O mundo desde un chimpín

MARCHO DAQUÍ!

2009-07-08T21:37:00.001+01:00

Iso, que marcho, emigro, desloco-me. Mas só de site. A partir de agora poderedes atoparme em:

http://chimpin.blogaliza.org

Alí tambem estaram as entradas anteriores, comentários incluidos. De haver alguem subscrito nom esqueça cambiar os feeds.

AVANTE OBREIROS DO METAL!

2009-06-30T12:39:00.004+01:00

Os obreiros do metal da província de Ponte-Vedra estam em luita por um convénio justo. Para amosar que nom som violentos como os pintam nos jornais e nas TVs estam a fazer umha peregrinaçom até Compostela. A estas horas já estaram na capital, logo de 100 km andados desde Vigo. E foi agradável ver como algumha gente á beira da estrada e os carros e camions que se cruzavam com eles amosavam o seu apoio, ao que respondiam agradezidos. Diram por aí que eram poucos, mas tenham em conta que entre a primeira e a derradeira foto das que segue, vai como meia hora, e quando cheguei já levavam tempo passando.

FALARÁ-SE DESTAS FESTAS DURANTE ANOS

2009-06-27T15:03:00.002+01:00

Num dos especiais que publicam com motivo das festas da Estrada os jornais com ediçom local, o presidente da comissom de festas expresava-se neses termos ao falar da grande qualidade das celebraçons deste ano. Poi bem, final-mente semelha que há que dar-lhe a razom. Falará-se destas festas durante anos, ainda que o motivo seja a desorganizaçom que levou á cancelaçom de duas das atraçons principais (o concerto de Mago de Öz e os de The Bond Scott Band, Pants Off, Mutand Squad, Esquíos e Kambotes) assim como doutras animaçons de rua e o famoso bono para as atracçons de feira.
Nom é a minha intençom fazer lenha da árbore caida, mas já tinha pensado fazer umha entrada para falar de cousas das que nom gostei em quanto ás festas deste ano.
A primeira, nom me pareze normal que todos os concertos das festas sejam de pago. Nim com bonos desconto nim caralhadas. Numhas festas supostamente populares (de povo, nom de PP) tem de haver atracçons de balde para o público. Vale que pode haver algumha de pago, mas nom a práctica totalidade. A maiores, semelha que o problema nasceu aquí. Polo visto, e polos comentários do presidente nos devanditos especiais, a comissom de festas deveu estar assessorada pola SGAE á hora da contrataçom dos concertos, e enchia a boca falando da quantidade de gente que lhe disserom os assessores que ia vir. O principal era o de La Oreja de Van Gogh, com o que aguardavam reunir miles de persoas e fazer boa caixa. Resultado: 1.500 espectadores e a maioria em regime de semi-gratuidade, ja que accederom com o famoso bono. Total, que nom fisserom caixa como aguardavam. Lembro (é que nom tenho diante os jornais) que falavam de 4.000 persoas no concerto de Mago de Öz.
O único gratuito foi o que juntou aos grupos de base estradense Pé de Boi, Regato de Matamulleres e Linho do Cuco com Susana Seivane. Aí bem, qualidade da casa e de nível internacional. O que já nom me pareze normal é que os representantes da comissom nom assinasem os contratos com os grupos até meia hora antes do começo dos concertos. Esse foi o primeiro sinal de que algo nom ia bem. Ainda que muita gente nom tivese conhezimento, os concertos estiverom a piques de ser cancelados por parte dos grupos, que estiverom horas tentando localizar ao presidente da comissom. Saeu adiante, mas por pouco. E haverá que ver se os grupos recebem os quartos que lhes adevedam, que visto o visto...
Por outra banda, tampouco me parece normal que se faça o petitório popular a posteriori. Isso tem um grande problema. Nom há quartos, nim se pode saber os quartos que vai haver para pagar as atracçons contratadas. Podem fazer-se estimaçons, sim, mas ha que ter em conta que a gente dá o que quer, e que este ano, percissa-mente, as famílias nom andam sobradas de quartos. E demonstra-se agora, que se nom tens avais... Toca suspender espectáculos.
Dos bonos para as atraçons de feira, nom vou falar muito. A idea é excelente, mas acho que fica claro que nom é doada de aplicar. E a forma da que se aplicou aos feirantes... achega-se á extorsom. Ou aceitas as condiçons abusivas que che imponho, ou nom che dou sítio.
Por último dizer que já está bem. O Concelho da Estrada deve ser dos únicos do seu tamanho de toda a Galiza que se desentende completamente da organizaçom das festas, mais alá de dar 30.000 € á comissom. Devera asumir dumha vez por todas a organizaçom das festas. E a ver se nos deixamos de comissons e caralhadas. Que vai passar com a gente que mercou os bonos? Vam-se-lhes voltar os quartos? Quem se vai fazer responsável de nom pagar estes rapazes o que devem? Agora seica asumem o control das deste ano. E pergunto eu, nom o puderom fazer desde o princípio? Para que temos funcionários no concelho que supostamente se adicam a organizar eventos deste tipo?

É ISTO CENSURAR?

2009-06-11T21:12:00.004+01:00

A Conselharia de Educaçom/Consejería de educación vai fazer umha enquisa aos pais/nais do alunado galego sobre a língua na que queren que os seus filhos e os dos outros reciban as aulas. Ante isto, as equipas de normalizaçom figêrom uns trípticos [PDF, 257 KB] para informar ás famílias. Como resultado, os centros receberom a seguinte mensagem da conselharia (em perféito bilíngue):

Subject: URXENTE:Instruccións sobre a participación na enquisa de utilización das linguas

Estimado/a Director/a,

Achégolle o modelo de xustificante de recibo en relación coa enquisa ás familias sobre a utilización das linguas no ensino non universitario de Galicia.

Aproveito para lembrarlle que a Dirección do centro é a responsable do normal desenvolvemento do proceso de realización da consulta e en consecuencia deberá prohibir todas as accións ou actos, tanto a favor como en contra do mesmo, mantendo informada en todo momento á Inspección Educativa.

Consellería de Educación e Ordenación Univeristaria.

Estimado/a Director/a,

Le adjunto el modelo de justificante de recibo en relación a la consulta a las familias sobre la utilización de las lenguas en la enseñanza no universitaria de Galicia.

Aprovecho para recordarle que la Dirección del centro es la responsable del normal desarrrollo del proceso de realización de la consulta y en consecuencia deberá prohibir todas las acciones o actos, tanto a favor como en contra del mismo, manteniendo informada en todo momento a la Inspección Educativa.

Consellería de Educación e Ordenación Universitaria.

FECHADO POR REFORMAS

2009-06-03T15:57:00.005+01:00

O programa Aberto por reformas que bem apresentou Xurxo Souto durante os últimos anos, dando oportunidade á música galega de todos os estilos, finou no dia de onte.
Entendo que retirem ao senhor Souto como direitor de programaçom da RG, mas retirar-lhe o programa e ponher o que pugerom nom têm outro nome mais que o de Censura.
E quando antes o programa se adicava á expansom interplanetária da música pangalaica, agora... Julguem vostedes:

E se a isto lhe sumamos que onte, também, a TVG retirou um programa documentário sobre as vacas tolas para ponher um filme, máis do mesmo.
Empezamos.

EU2009

2009-06-02T20:30:00.003+01:00

Nom entendo estas eleiçons. E com isso nom digo que nom saiba delas. Sei que elegemos aos representantes no parlamento europeu, sei que há umha circunscriçom única e até sei quem se apresenta e que coligaçons formam (as mais importantes em número de votos, claro).
E é desde este ponto que nom entendo. A passada semana recebim a publicidade eleitoral de rigor, dos partidos com representaçom no parlamentinho. Nim abrim os sobres de PP e PSOE, mas si o figem com o que spamearom os do BNG. E qual foi a minha surpresa que a papeleta que vinha coa publicidade era do BNG e nom, como aguardava, da coligaçom Europa dos Pobos-Verdes (composta por ERC, BNG, Aralar, CHA, EA, Los Verdes e Entesa per Mallorca). E a primeira da lista era a candidata do BNG, nom Oriol Junqueras, candidato de ERC e primeiro eurodeputado que sairia elegido de obtiver algum a coligaçom.
Busco informaçom ao respéito na web eleitoral do BNG e nom atopo mençom nenhuma á coligaçom, e o mesminho passa na de Esquerra. Mas sim, na web eleitoral de Aralar (ainda que de aspéito menos coidado que as anteriores). Aí podo ver que partidos componhem a coaligaçom e vejo o a candidatura completa, na orde na que sairiam de ser elegidos. De que na web eleitoral do BNG apareça Guillerme case tanto como Ana Miranda e que na principal ainda haja um banner de Galeuscat, nim comento nada.

Agora as perguntas, e a sério que nom sei as respostas e solicito que se alguem sabe algumha me saque de dúvidas:

Que papeleta vou atopar o domingo na mesa eleitoral, a do BNG ou a da coligaçom?
Se é a do BNG: vou atopar também as dos outros partidos que formam a coligaçom? E se nom é assim, vam atopar a papeleta do BNG os galegos que votem, ponhamos, em Barcelona? E vou atopar eu a de Esquerra ou a de Aralar?
Se é a da Coligaçom, logo a papeleta que me enviarom nom é nula?

Pois isso, que nom entendo. E tampouco é que atope muita informaçom, a verdade.

A GENTALHA PRECISA AJUDA URGENTE

2009-05-12T21:21:00.005+01:00

A Gentalha do Pichel é um grupo de gente de Compostela (natural ou adotada) que decidiu agrupar-se para fazer activismo cultural. Organizarom-se e alugarom um local ruinoso que fôrom amanhando aos poucos, criando assim o C.S. O Pichel, lugar onde fam obradoiros, cursos, festas e muitas cousas mais.
Dum tempo a esta parte um outro senhor de Compostela (senhor Conde Roa, vozeiro dp PP no Concelho compostelam) anda com acusaçons, tanto á Gentalha como á Sala Nasa e ao C.S. Henriqueta Outeiro de ser paraterroristas (sic) e organizar actos de guerrilla urbana (sic, tambem). Logo de insistir muito, atoparom-lhe umha chata á Gentalha: o seu local nom conta com accesso para discapacitados e cae sobre eles umha ameaça de peche.
Por isso, A Gentalha do Pichel solicita ajuda para conseguir os 10000 € necesários para fazer a obra, 5000 dos cales percisam ser entregados nesta semana. Se queres colaborar, tes tuda a informaçom no blog da Gentalha, assim como as declaraçons de Conde Roa.

RESACA DAS LETRAS

2009-05-08T23:14:00.004+01:00

Resulta que na Facultade de Ciencias Sociais e da Comunicación de Pontevedra, dentro da Resaca Das Letras '09 elegem as melhores webs em galego e na categoria de Blogs e Páginas Literárias um dos candidatos é o Capítulo Cerdo, blog no que humildemente participo. Se tenhem a bem votar por nós, agradecido, senóm também há outros que o merecem, mas participem!

LÁCTEOS

2009-05-07T20:47:00.003+01:00

Como anda a cousa no sector lácteo galego case que nom precisa de comentário ou explicaçom.
O que me surprendeu hoje sobre o tema foi ver que as sucursais de Caixanova na Estrada pecham esta sexta feira durante umha hora em apoio do sector lácteo. Nom sei se Caixanova tem inversons em empresas do leite, dessas que nom recolhem porque seica nom vendem, já que nom topei informaçom ao respéito na web. Se nom é assim, é um gêsto loável. Se têm inversons nessas empresas é umha hipocrisia como um mundo.

LAGARTO LAGARTO

2009-04-20T13:41:00.003+01:00

Onte tivem a oportunidade de fotografar um par de lagartos arnais tomando o sol. E semelhavam estar posando a modo de modelos. Nom sei mui bem que espécie exacta é, ja que os atopei como Lacerta viridis, Lacerta schreiberi e Lacerta lepida. Abrindo cada foto vêm-se muito melhor os detalhes.

PATXI, POLÍGONOS E LIÑARES

2009-02-13T16:24:00.004Z

Como persoa, nunca me pareceu apropriado a ubicación da Cidade do Moble á beira do rio Liñares habendo lugares no concello máis adecuados para iso. Como internauta así o fixen ver deixando comentários en máis dunha páxina web (como no extinto Ruxe-ruxe). Agora, tempo despois, parece que Adega e os veciños da zona algo de razón tiñan. O proxecto tan estupendo e necesário para o futuro da Estrada, que tiña que estar aí e non noutro lugar (recalificación: esa palabra da que gostan tantos), ese proxecto tan respectuoso co rio que até ian facer un paseo peonal pola beira, ese proxecto, O proxecto ten que cambiar. E ten que cambiar porque, segundo o conselleiro de Médio Ambiente, Pachi Vázquez, as condicións actuais do proxecto impeden elaborar un informe medioambiental positivo. Sobre todo no tocante á zona de inundación do rio (moi boa parte desa zona) e a un ragato afluente do liñares que pasa por alí (e que xa está medio entubado, por certo). Non era todo ouro. E, de momento, o Pachi este conseguiu sacar as cores (se tivesen algo de vergoña, claro) a todos os grupos da corporación, que se emperraron en facelo así si ou si, sen ter en consideración ningunha das voces críticas.

Santiago - A Estrada: 2 meses da AG-59

2009-01-20T19:38:00.004Z

Poida que un dos principais motivos que levaron á construción da nova autovía da Estrada, haxa que agradecerllo a Armando Blanco e o seu goberno do concello de Teo, quen favoreceron un crecemento urbanístico desmesurado, á par que ilegal e especulativo.

Pese a isto, hoxe xa é realidade a existencia dun pequeno tramo de estrada que nos permite evitar a comarcal 541 ao seu paso pola Ramallosa e por Cacheiras, Aínda que logo nos atopemos cos atascos da rotonda de Ourense e da saída 67 da AP-9.

Foto: Arturo Maneiro

Porén, dous meses despois da súa inauguración, esperada desde finais de 2007, seguen sen estar sinalizados os accesos desde a capital galega. Só hai que ir polo periférico de Compostela ou tentar entrar desde a autoestrada, para ver que segue sen estar indicada.

Será que os millóns que se investiron non chegaron para iso, nin para poñer tiles ou palabras en galego nos sinais, que si que entraron no orzamento.

Parabéns!

Gharlopinha

NOSTALXIA

2009-01-17T16:43:00.001Z

O Caimán do Rio Tea: Ven a bailar:

50 ANOS DE ELECTRICIDADE

2008-12-29T20:25:00.005Z

Por casualidade lendo a web do Faro atopei unha sección de novas antigas, tipo efemérides de hai cincuenta ou cen anos. E unha das desta semana era esta:

Hai cincuenta anos que algunhas parróquias do concello contan con elecrticidade. Igual hai a quen lle parece unha barbaridade de tempo, mais a min non tanto. E é unha mostra máis do atraso no que vivimos moitos galegos. Se a electricidade chegou hai cincuenta anos, o teléfono chegou hai quince (as liñas TRAC, que ainda non o hai de cabo en moitos sítios) e a internet... ainda está por chegar. É a história da nosa vida, tarde mal e arrastro.

TEMPO DE NATAL

2008-12-20T16:09:00.001Z

WE WANT CHANGE

2008-11-09T19:49:00.003Z

Hai 11 meses, en Xaneiro, un tal Barack Obama pronunciou un discurso tras perder nas primárias de New Hampshire ante a daquela candidata oficial do pertido demócrata Hillary Clinton. Ese discurso (aquí traducido por Cesare) foi o comezo da vitória de Obama nas eleccións a presidente do mundo mundial. E ese discurso levou aos EUA duas expresións que hoxe, unha vez Obama xa non é un tal Barack Obama, quedan para a história dese pais. Unha delas saiu do próprio Obama, o Yes We Can (si, podemos ou xa é fin de semana, segundo quen traduza), que quedou como lema da campaña, e que deu lugar a un estupendo video musical de Will I Am. A outra foi coreada polo público durante o discurso e foi a que, ao meu entender, resume o por que da vitória de Obama nas pasadas eleccións nos EUA: We want change (Queremos o cámbio).
O we want change pasa moitas veces nas eleccións por todo o mundo. O povo ás veces cansa dalgúns gobernos e pon unha esperanza de cámbio en alguén que, dalgún xeito,ten o carisma suficiente (se é que iso existe) para canalizar o seu descontento e transforma-lo nalgo positivo, nun algo que eleva a confianza da xente nas persoas e, tamén, na política.
Iso pasou na Estrada. Logo de quince anos de mandado da dereita un goberno de esquerdas chegou ao concello. Moita xente (eu entre eles) depositou unha esperanza de cámbio nese goberno de esquerdas, unha esperanza de que ia mellorar a vida das persoas do concello en detalles que podan parecer irrelevantes mais que son os que se notan no dia a dia.
O malo de depositar a confianza e a esperanza en alguén é que pode quitar-cha. No meu caso, o actual goberno estradense así o fixo. Eu queria o cámbio, mais non o vexo por ningures. Ningunha das áreas do goberno da Estrada cambiou. Non cambiou a política cultural, temos a mesma falla de actividades de hai dous anos, nin unha soa iniciativa, cousa que xa dixen hai seis meses, por certo. Non cambiou a política urbanística, continuamos sen ter un PXOM que ia estar aprobado nun ano e non hai indícios de que se vaia aprobar no próximo, así como tampouco hai indícios de que se vaia tentar cambiar o concepto do urbanismo que tiña o PP. En política ambiental a cousa vai a peor, coa teima de facer un parque empresarial á beira dun rio a pesar de saber que non é bo.
Poderia seguir nomeando cousas que non se fixeron, mais nin teño os programas dos partidos á man nin tempo para numerar tal cantidade de cousas. Simplemente nomeo como logro máis ou menos acadado o plan de participacoón cidadá e a creación das xuntas parroquiais. Polo resto, nada.
E agora, de novo, we want change.

TELEFÓNICA: UNHA NOVA TENTATIVA (e 2)

2008-10-17T16:11:00.003+01:00

Desde o 17 de setembro agardei máis de dúas semanas a que aparecese o técnico encargado de mirar o tema do enganche. Unha semana despois, o dia 9 de Outubro fiquei coa liña de ADSL conectada. Polo visto tiven sorte por várias razóns, que se resumen en:

Os de telefónica equivocaron-se ao coller o enderezo (eu dei-lle-lo perfectamente, que sei onde vivo), por iso mandaron ao técnico, senón ian mandar merda.
Na caixa correspondente (caixa A) non habia pares dispoñíbeis (un par é un punto de conexión para unha liña) dos quince existentes. Máis arriba habia outra caixa con 25 pares (caixa B), da que saian os quince pares da caixa A.
O técnico de telefónica (de montelnor, máis concretamente) cambiou unha liña das existentes da caixa A á caixa B, deixando libre unha da caixa A, que foi a que me tocou a min. Desde aquí debo agradecer-lle a este home que buscase a solución, xa que se fose outro non habia mover un dedo.
O técnico de telefónica estaba a substituir a outro que estaba de baixa ou vacacións, non lembro. O titular da zona xa pasou de min noutras ocasións.

Pois iso, xa teño teléfono. Dá gusto ver o ben que traballan algunhas empresas.

TELEFÓNICA: UNHA NOVA TENTATIVA (1)

2008-09-25T21:50:00.005+01:00

Hai xa un par de anos, chamei a telefónica para que me puxeran unha liña de teléfono coa que acceder a internet. Cando viñeron non podia ser, dado que desde o poste que habia do outro lado da pista non se podia tirar cabo para a casa. Primeiro intento fallido.
Un ano despois voltei tenta-lo, e puxeron un poste do meu lado da pista, mais eu persoalmente tiven que tirar cabo desde o poste até a casa, poñendo o correspondente tubo de protección. Unha vez feito todo o traballo (e entre que chamas, ven un técnico, mira, decide, chama aos do poste, poñen o poste, etc pasan vários meses) tampouco podia ser. Faltaba unha caixa (?).
Seis meses despois chaman para dicir que se quero me poñen un TRAC. Nego-me.
O pasado 17 de setembro comezo a terceira tentativa. Desta vez xa contrato directamente unha ADSL con telefónica, con permanenza de dous anos, para ver se así lles dá máis por poñelo. Xa está o poste colocado e cableado, porque así quedou da última vez. Dixeron que antes de dez dias pasaban. Van oito.
Proximamente máis.

CELTAS CORTOS

2008-09-13T11:19:00.003+01:00

Hoxe celebra-se a Festa da Xuventude no Milladoiro (Ames) con actividades durante o dia e que comezou onte cun concerto a cargo do grupo ~~OBK~~ ~~Metallica~~ ~~Hevia~~ Celtas Cortos. Foi un tanto raro, sobre todo no comezo, ainda que gañou en intensidade co tempo, tendo en conta que as cancións do disco novo brillaron pola sua auséncia e soaron todos os clásicos do grupo. Persoalmente gustaron-me máis cando os vin nas Festas das Pontes, hai xa anos, co cantante substituto do Cifuentes este. Escoitalo falar onte era como escoitar discutir aos chandaleiros da Quintana (que é unha praza, non un vice-PRESDIDENTE do goberniño). A sorpresa agradábel deu-na a colaboración de Susana Seivane (dos Seivane de toda a vida) en dúas pezas, unha das cales vos deixo aí (sorprendeu-me o teléfono este meu, que ainda quitou un son escoitábel).
Como último apunte dicir que É A PRIMEIRA VEZ QUE VOU A UN CONCERTO E NON HAI BARRA/CARRO/TXOSNA/SIMILAR ONDE TOMAR ALGO, cousa que me molestou un pouquiño.

DIA DOS BLOGS

2008-08-31T22:29:00.003+01:00

Leo en chuza! que hoxe é o dia dos blogs. Polo visto, para celebra-lo, os bloggers temos que poñer cinco blogs que nos gusten, e iso vou facer. Son blogs aos que estou subscrito e, ainda que moitos os coñeceredes, outros igual non. E ainda que a uns poucos vos gusten, a moitos igual non. E son:

microsiervos e tamén os seus derivados: (c+p+t do acerca de) blog de tecnoloxia, divulgación científica ou informática, pero o certo é que é máis complexo que todo iso: ten anotacións de humor, actualidade en internet e outros temas moi variados que nos interesan aos autores, como a astronomia e a aviación, os xogos de azar, as lendas urbanas, os trebellos, as grandes ou pequeñas conspiracións ou os puzzles.

404: un webcomic de humor+ciencia+frikadas feito por koopa, un (como el mesmo di) apuesto estudiante de informática. Ten chistes moi malos e moi divertidos.

Eh! Tío!: outro webcomic, desta vez feito por Morán, un asturiano que chegou a guionizar para El Jueves uns debuxos de Leandro

XKCD: outro webcomic ou blog de tiras cómicas, neste caso en inglés.

Capítulo Cerdo: este queda para o final. Collendo un nome inspirado no blog gastronómico de Manuel Gago, uns chuceiros propuxeron a idea de facer algo parecido con comida desa de comer coas mans (kebabs, bocatas, hamburguesas), menús de estudante e cousas. E a idea finalmente foi adiante, e agora imos posteando cousiñas.

VERÁN, VERÁN, ALÁ FOI

2008-08-31T20:09:00.004+01:00

Habia xa tempo que non pasaba por aquí. É o que ten o verán. Mais quedaron algunhas cousas pendentes que queria postear. Un par de festas ás que fun, unha alá a comezos da época calurosa e outra similar de onte, cando remata o tema e a xente retoma o ritmo de vida habitual.
Alá polo mes de Xullo, os dias 11 e 12, celebrou-se o festival Músicas de Raiz en Callobre, organizado pola sociación Regatos. Neses dous dias pasaron polo campo de fútbol da parróquia os grupos Pé de boi, Linho do cuco (noraboa polo terceiro posto no trofeo Cidrerie des Terroirs de Lorient), Alvariza, Retrouso, Regato de Matamulleres, Briganthya, Sete netos e Serra-lhe aí. Un plantel importante para unha cita que se afianza ano a ano (menos o pasado, por cuestións climatolóxicas, claro. Os que menos me gustaron foron, quizais, os bascos Briganthya, dos que agardaba outra cousa e que máis que bascos parecian irlandeses. Nada de música de raiz (ademais ian de estrelas, ainda que despois subiu ao escenário Serra-lhe aí e non puideron máis que quedar coa boca aberta).

E onte, 30 de Agosto pasei-me polo Festival Música na Noite que se celebrou en Solláns e que comeza unha nova andaina logo de anos de auséncia da man do Concello de Teo e a asociación Lua Chea. Neste caso puiden desfrutar de Pablo Seoane e Grupo, (boa música tradicional, movidos) os históricos A Quenlla e os non menos históricos Berrogüetto (non me acaba de convencer o novo cantante, será que ainda estou afeito a Guadi). Tamén estiveron os de Zënzar, mais a noite estaba algo desapacible (habia algo de humedá) e non quedei. Por certo, moi bos os bolos preñados.

Pois iso, que moi ben e moi divertido todo.

DE RAPA 2008

2008-07-07T15:59:00.005+01:00

Un ano máis, houbo rapa en Sabucedo. E quero comezar esta mini-crónica felicitando encarecidamente ao responsábel da organización de Sons da Rapa, a parte musical/alternativa (por excluir ás orquestras do sábado dalgún modo) da festa. Ainda que o ano pasado só lle adiquei unha pequena reseña nunha entrada, teño que dicir que a elección dos grupos nas últimas edicións merece unha nota moi alta. Este ano puidemos ver á Tuna Rastafari (ollo, é un myspace), rancheiristas movidiños, aos que non puiden ver máis que tres cancións porque cheguei tarde, mais que me deixaron bo sabor de oido. Para quen queira ve-los e escoita-los están o venres no Cultura Quente de Caldas.
A Tuna Rastafari cedeu-lle o testemuño aos madrileños No Reply, un estupendo grupo de swing-fusión (non sei etiquetalos doutro xeito) que animou e fixo bailar á xente, máis á medida que pasaba o tempo e ian quecendo músicos e público. Uns músicos espectaculares.

E o remate musical da noite. Xunten vostedes a Xil Ríos, Juan Pardo, Os Diplomáticos de Montealto da primeira época e a unha orquetra mala que só toque cúmbias (como a primeira do sábado), mestúren-o ben e tiren todo o malo que poda haber no resultado. Máis ou menos, debera ter vostede ao Sonoro Maxín (outro myspace, aviso). Un grupo post-Lamatumbá e que colle un camiño algo diferente, con musica moi movida e que fixo bailar aos asistentes até o final da festa. Gostei deles, e dos outros. Unha boa noite, en resumo.

E aqueles que aguantaron ben a noite e se levantaron para ir ao primeiro curro do ano atoparon-se co grande fallo da organización da Rapa deste ano. Resulta que por primeira vez houbo venda anticipada de entradas, 500 en total. E resulta que cando puxeron as entradas á venda no curro esqueceron-se de que, se o curro ten 1500 prazas, só debian vender 1000. E venderon 1500 que sumadas ás 500 da venda anticipada fan un total de 2000 persoas onde en teoria collen 1500. O problema poderia ter-se solucionado dalgunha forma, mais ninguén fixo nada. Iso provocou un problema de seguridade con moita máis xente subida nas gradas desmontábeis para a que están preparadas. Non pasou nada, mais puido ter ocorrido algo grave. Hai que poñer un pouco máis de atención.

Das orquestras do sábado non vou falar. Logo de tres horas escoitando cúmbias, bachata e merengue o meu cerebro debeu borrar toda a información relativa á percepción sensorial desa noite. E se non o fixo, debera.
Sei que as fotos son ruins, mais é o que hai.

DE ALCALDES E VICE-ALCALDESAS

2008-07-02T14:43:00.004+01:00

Últimamente puidemos asistir a un rifi-rafe político-persoal entre a Vice-alcaldesa, Raquel López e os alcaldes de barrio das distintas parróquias da Estrada, a conta da criación das xuntas parroquiais e a suposta oposición dos pedáneos a estas entidades porque, polo visto, lles queitan atribucións. Dentro das páxinas da prensa local a cousa foi máis ou menos como segue:

A cuestión, como a entendo eu, é que Raquel convocou aos pedáneos a unha reunión informativa á que acudiron e, unha vez alí tiveron que escoitar como, a pesar de estar elexidos democráticamente polos veciños, lles chamaban "un resquicio do franquismo", desautorizaron o seu papel e insinuaron que os nomeamientos foran manipulados polo PSOE, ou poñia de manifesto que a metade deles non ten estudos (esta señora é asistenta social, ollo), afirmacións ante as que algún dos asistentes se sentiu ofendido (eu estaria) e marchou da reunión.
Non sei se Raquel López sabe que parte deses pedáneos son persoas afíns ao BNG, ou que moita xente non afín a PP ou PSOE votou por persoas que, a pesar de saber que son afíns a algún deses partidos, facian ben o seu traballo.
Tampouco sei se Raquel López sabe que a śua elección foi igual de democrática que a dos pedáneos, e que tamén representa a unha institución herdeira do franquismo como é o concello (que se rexe polas leis democráticas aprobadas logo da constitución tardo-franquista que hai no estado español).
Non sei se Raquel López sabe que hai parróquias nas que a xunta parroquial funciona desde hai moitos anos en perfecta consonáncia co pedáneo correspondente.
E non sei se Raquel López sabe que non pode falar de caciquismos e despois andar por aí da man de xente como Pereiras ou Marisé, perdendo absolutamente TODA a credibilidade que poderia ter ao falar do tema. Non entendo, nadiña, como a xente do Bloque pode andar da man destes elementos. Se mo din hai un ano non creria nada. Mais hai xa tempo que a cúpula estradense do Bloque perdeu o norte. Unha pena, porque considero que hai xente moi válida aí dentro.

NOT SO KINKY

2008-06-30T13:52:00.003+01:00

O sábado celebrou-se en Compostela, como no resto do mundo, o dia do orgullo gai. Entre as actividades organizadas [.pdf, 445 KB] polo concello estaban unha série de concertos e entre eles un ao que asistín, o da Kinky Beat (é un myspace, aviso). A Kinki é un grupo que se formou hai uns anos en Barcelona, e que facia unha música fresca, que xa non adoita escoitar un por aí. Bos músicos e boas músicas. Acadaron certa sona no mundo musical alternativo cun disco que, persoalmente, penso que é moi bo, Made in Barna. O que non entendo é por que un grupo que aparece tocando e cantando cousas movidas e interesantes vira, dous discos máis tarde nun grupo de reagge que non ten nada que ver co que era, tocando nun concerto únicamente as cancións do seu último disco e que cando, nos bises, se decidiron a tocar catro das cancións do citado Made in Barna, ainda din que parece que vamos a tener que tocar canciones de esas, y eso que no queriamos. Non entendo por que un grupo máis ou menos novo renega así das suas (recentes) orixes. E non entendo que un grupo con ese pasado (recente) toque agora cancións dignas de King África que levan a un grupo de turistas alemáns a bailar a conga na Quintana (caso á parte foi a cantante dicindo á unha da mañá que tiñan que parar, que os curas tiñan que estar flipando). Pois iso, xa non son kinkis, non son o grupo que fun ver.

MARIA E AVELINA

2008-06-11T14:53:00.003+01:00

Hai máis dun ano, alá por maio de 2007 Maria Lado recebia de mans do Tenente-Alcalde, José Antonio Maceira, o prémio de poesia Avelina Valladares, organizado polo Concello da Estrada e a Asociación de Consumidores e Amas de Casa. Nesa edición o premio eran 1500 € en metálico e a publicación do poemário, neste caso pola editorial silledense Edicións Fervenza. A través do Porto dos Escravos enterei-me onte de que, como tamén anuncia Maria Lado na súa Casatlántica, a obra premiada, Nove, está a piques de chegar ás librarias. Eu non son editor nin nada polo estilo mais, non é un prazo excesivo para a publicación dun libro? Máis dun ano! Agardemos que Berta Dávila Fernández, a gañadora deste ano, non teña que agardar tanto.

LE PUNK

2008-06-08T21:44:00.007+01:00

Como na rapa de hai dous anos quedei con ganas de ver a Le Punk, onte aproveitei e fun ver a este grupo madrileño. Gostei do que vin, o que confirma aos organizadores dos concertos da rapa das bestas como bos oidos. Estaban de teloneiros de Candy Caramelo, un baixista de renome dentro do Pop-Rock estatal a quen xa vira con Ariel Rot (na Estrada) e Adolfo Cabrales (en Vigo). Paseino pipa no concerto, dúas horas máis bises acompañado dun tal Andrés, e xira coa sua lengua popular que ainda non escoitei. E disco do que o Calamaro só se dignou a tocar e cantar catro cancións para desgusto de algúns e alegria de moitos que puidemos desfrutar de boa parte da história do rock en español, ou polo menos en arxentino (como di o próprio). Por certo, que o iluminado (como podedes ~~ver~~ aprezar na foto)
desfixo-se en palabras de elóxio á Galiza e a Pontevedra de onde (como bo arxentino que se preze) era a súa abuela. Por certo, Candy é o segundo pola dereita.

KEN KEIRADES ESPAZO ABERTO

2008-06-06T23:34:00.002+01:00

A asociación Ken Keirades Espazo Aberto inaugurou o seu novo local este venres 6 de Xuño cunha pequena festa aberta, como non. Parte da xuventude estradense puido desfrutar de uns pinchiños coa sua bebedela mercar produtos de comerzo xusto ou ver a exposición Navegando Cara o Sul, que xa estivera anteriormente na sala de exposicións de Caixanova. Contaron coa asistenza dos concelleiros de Educación, Cultura e Normalización Lingüística, Novas Tecnoloxías, Festas e Mocidade (todo isto é un só, Manuel Sanmartín); de Rural e Turismo (Raquel López) e de Deportes e Participación Cidadá (Xoán Carlos Castro). Unha pequena mostra de que, ás veces, para apoiar unha iniciativa basta con ir tomar uns pinchos, cousa que o anterior goberno nunca fixo (tamén está ben aumentar o gasto social, mais todo se andará).
E aproveito esta entrada para informar de que os Ken Keirades contan cun blog desde hai xa vinte dias, no que irán informando das actividades que vaian facendo.
Por certo, o local está na rúa Pérez Viondi 9, onde estaba a Hamburgueseria Bonsai.

REBARBADORA

2008-05-22T16:50:00.004+01:00

Por veces, a cousa máis simple fai-che ver (neste caso a min) que hai xente moi equivocada (os tangallegos eses) e que hai xente que ten máis razón da que se lle dá. Neste caso unha simple palabra. Tras a triste nova da morte dun mozo en Vilagarcia da Arousa en accidente laboral lin, en todas as edicións en español dos xornais nos que estaba a nova, que o suceso sucedera cunha rebarbadora. Non sei cal é o coñecemento que teñen os xornalistas no que a máquina ferramenta se refire, mais están errados. Todos. Non hai rebarbadoras en español. Ou si. Como préstamo do galego/portugués. Mais a palabra española para referir-se á máquina en cuestión é amoladora. Nin na Voz, nin no Faro, nin en Galiciae, nin no Correo, nin nos diários da Arousa e demais do grupo (este último lazo auto-destruirá-se nunha semana) deben sabe-lo. E iso é porque hai cousas ás que a xente non é quen de chamar-lles por outro nome que non sexa o galego. E iso é porque o idioma galego está tan metido na nosa cultura, que nin os Galiciabilingüistas máis radicais poden evitar as palabras e expresións galegas. Mais seguro que se leran esto dirian algo como

"en castellano está permitido decir rebarbadora"

Ao que eu responderia:

"en español está permitido dicir o que queiras. Nin rebarbadora nin amoladora aparecen no dicionário da RAE (~~creo, porque non dou entrado na páxina~~) como o 90% das palabras técnicas utilizadas a dia de hoxe. Mais rebarbadora é unha palabra galega/portuguesa. Amoladora é unha palabra española. E refiren-se ao mesmo aparato"

MANU‽‽‽‽‽

2008-05-07T16:05:00.002+01:00

O outro dia, a través do chuza! descubro que o señor Manu Chao, eventual visitante das noites estradenses, vai andar por Galiza dando uns concertiños de pre-xira mundial con Radio Bemba Sound System. Segundo a información da nova, en Monforte, os dias 16 e 17 de maio. Decidido a asistir andiven na busca de algo máis de información de lugar e venda de entradas, cando atopei outras datas e lugares no foro da páxina de Manu Chao: Monforte, 16 e 17; Ourense, 21; A coruña, 23 e... tachán! A Estrada o sábado 24 de maio. Oh! pensei. E onde será? Pois internet on ten tanta información como parece. Non se sabe nada, ninguén sabe nada (ou din non saber nada). E na Estrada tampouco se sabe nada. Os medios escritos xa se fixeron eco nas súas edicións dixitais, mais non se sabe nada. Ese mutismo dá-me no nariz que algo quer dicer. Se alguén sabe algo e non lle importa dici-lo, agradece-se.

CONCELLO

2008-04-25T16:30:00.003+01:00

E unha última anotación por hoxe. Vendo as anteriores, incluindo que, por exemplo, A Farola organiza unha noite teatral, ou que algún pub fai concertos de xeito habitual (cousa da que xa falei aquí algunha vez), ve-se que as avangardas e iniciativas culturais do concello non parten dos organismos oficiais. Seguimos igual. E isto non é culpa de que non haxa Plan Xeral (que por certo xa debera estar exposto ao público, se queren cumplir o prazo dun ano que deron nas eleccións), nin de cartos tampouco (que non me veñan a dicir que os bares ou asociacións estradenses teñen máis cartos que o Concello). Non, é simple falta de iniciativa. Nun ano que case leva o novo goberno non houbo nin unha iniciativa no eido da cultura diferente ás que habia cando o PP. O teatro que lle traen, homenaxes e papatórias e pouco máis. Penso que se poderia dicir da maioria dos ámbitos de goberno. Persoalmente só hai unha actuación que me deixa un pequeno lugar para a esperanza. É o regulamento de Participación Cidadá. Ainda que lento, parece que vai adiante. Polo resto, encefalograma plano.

ANACOS DE UNIVERSO

2008-04-25T16:07:00.002+01:00

Pola sua banda outra asociación, neste caso A Fervenza de Ouzande, organiza para o mes de maio unhas xornadas de introdución á astronomia, baixo o título Anacos de Universo. Máis info no blog de Carreiros.

MEMÓRIA

2008-04-25T15:35:00.003+01:00

Hai que facer memória do ocorrido. Poño-o con retraso, mais ainda hai tempo. Mañá sábado 26, ás 18:30 no Teatro Principal da Estrada proxecta-se o documental Dignidade e Loita , da Plataforma Antifascista, dentro do ciclo de documentais sobre a memória histórica que organizou a Asociación Cultural Ken Keirades. Anteriormente proxectaron os documentais O Novo Emden, história dun pesqueiro galego que marchou para a América, e A Derradeira Lección do Mestre, realizado polo estradense Xoan Carlos Garrido.

E seguindo con esta asociación, mais noutro eido, leo na Voz que organizan para o Dia das Letras un concurso de microrrelatos, coa intención de utilizar partes dos mesmos para facer un grafitti, pintada ou mural nun valo da vila. Os traballos, de 1000 caracteres como máximo hai que entrega-los na Biblioteca Municipal até o 5 de maio. Hai prémio.

ATUALIZANDO

2008-04-25T15:28:00.002+01:00

Xa hai ben de tempo que non posteo, teño algo deixado o blogue, así que vou poñer unhas palabras variadas de cousas da Estrada. Posiblemente, e para ter máis mantido o tema, a partir de agora publique cousas que non teñen que ver direitamente coa Estrada, xa que ando algo apartado da vida municipal. Mais antes disto tres detalles que posteo.

PAIMUSICA

2008-04-03T16:16:00.004+01:00

O outro dia atopei via chuza! (como non) un video do Youtube da nova canción de Lamatumbá (Camiños). Estaba posteado no blog de Sempreengaliza, e levei unha sorpresa cando lin os comentários. Polo visto alguén facendo-se pasar por PAI-música, editores do vídeo, denunciaron en Youtube que lles copiaran o vídeo mentres lle pedian ao autor do blog que tivese "algo menos de vergüenza". Estranou-me que en Youtube tivesen uns dereitos sobre os vídeos moi restrinxidos, xa que se ven en webs de todo o mundo, e tamén vídeos calcados de distinto usuário. Así que fixen algo que quizais deberan ter feito eles antes de denunciar: ler. Neste caso os termos de uso de Youtube. E polo visto, segundo eses termos de uso, cando subes un vídeo a Youtube concedes (e agora copio e pego)

1. a favor de YouTube... [non nos interesa agora]
2. a favor de cada usuario del Sitio Web, una licencia mundial, no exclusiva y exenta de royalties para acceder a sus Archivos de Usuario a través del Sitio Web, y para utilizar, reproducir, distribuir, realizar trabajos derivados de, mostrar y ejecutar dichos Archivos de Usuario en la medida de lo permitido por la funcionalidad del Sitio Web y con arreglo a los presentes Términos y Condiciones

Total, que puxen un comentário no video de Camiños Cruzados da conta de Youtube de PAI-música e outro no blog, para que vexan que non pasa nada por que outro usuário utilice o video. E total, que xa non está o comentário no Youtube. Foi borrado [Edito: ainda que penso que quedaria mellor unha resposta ao comentário, xustificaron o borrado da mensaxe].
E o seguinte queda para alguén facendo-se pasar por PAI-música
Parece que hai xente que non quere que se saiba que meten o zoco nin pedir desculpas. Así que protesto aquí. A ver se me borran o post. Non sei quen son esta xente, mais por se aparecen por aquí pido-lles, sinceramente, algo menos de vergüenza.

Edito:

Ao final conseguin-me poñer en contacto cos de paimúsica, que me comentan o seguinte:

No tenemos ni idea de lo que nos estás comentando, ya que nunca hemos denunciado a nadie por el uso de nuestros vídeos y mucho menos conocemos el blog

Así que aí arriba onde poñia PAI-música pasa a poñer alguén facendo-se pasar por PAI-música. E de paso agradezo-lles a resposta.

XERAIS 2008: PAPELETAS ALTERNATIVAS

2008-03-02T20:18:00.005Z

Como nas anteriores eleccións, no mundo desde un chimpin buscamos alternativas aos partidos tradicionais e que non se atopan nos coléxios eleitorais. Estas dúas papeletas de dous partidos teño que agradecer-llas a Fer, a primeira pola idea e a segunda polo lazo:

BRG: Bloque Rexionalista Galego

Cthulhu Presidente

DELICTO, SI. CULPÁBEIS, NON

2008-02-07T21:05:00.000Z

É curioso ver algunhas sentenzas de algúns tribunais. Neste caso falo da xa coñecida po-la maioria dos leitores sentenza da Audiéncia Provincial de Pontevedra que absolve á corporación municipal do Concello da Estrada de 1993 dun delicto de prevaricación po-la concesión de licenzas ilegais. A graza que ten é que as licenzas foron anuladas por ser contrarias a dereito po-lo Tribunal Superior de Xustiza de Galiza, decisión confirmada máis tarde po-lo tribunal supremo.
En resumo, está probado que esa corporación concedeu licenzas ilegais, que de feito están anuladas, pero para a Audiéncia Provincial non é unha actitude delictiva porque non sabian o que facian, e ninguén lles avisou que conceder unha licenza contra os informes técnicos era motivo de delicto. Po-lo visto, o de que a ignoráncia da lei non exime do seu cumprimento non é aplicábel a todo o mundo e, polo visto, tampouco aos que teñen que sabelo.
E tamén me fai graza que agora os do PP digan que "hubo gente que se equivocó al precipitarse y hacer un juicio de valor" sobre o caso, cando hai uns meses deixaron fóra da lista das municipais a Reboredo porque estaba metido no allo. Iso si que é confiar na xente.
Agardando a ver se o BNG recorre a sentenza, non me queda que dicir do caso.

CHIMPÍN GRÁFICA

2008-01-31T23:07:00.000Z

Adoito facer moitas tonterias co ordenador e algunhas cousas que atopo na interné ou miñas próprias. Mais (case)nunca me dá por publica-las porque penso que non teñen cabida dentro deste bló. Así que decidín criar unha sucursal, Chimpín Gráfica, para ir metendo esas "trapalladas".
A primeira está publicada, e irei metendo cousas novas e outras que me quedaron no tinteiro.

CONCELLO E CULTURA

2008-01-29T14:38:00.000Z

Hoxe viña disposto a criticar á Concellalia de Cultura, para dicir que non se notaba o cámbio de política cultural respéito do goberno anterior, e, dado que agora xa hai novo presuposto, non habia a excusa de que son escravos do que lle deixaron en herdanza. E viña a conta de que no antroido deste ano o programa de actividades non varia do que "deseñaba" Reboredo cada ano. Incluso se reduciron algúns dos prémios do concurso de disfraces, que viñan sendo os mesmos nos últimos dez anos.
Pero claro, xusto hoxe collo o xornal e vexo que veñen de apresentar un ciclo de actividades dirixidas ao público infantil para o mes de marzo no Teatro Principal. Pois nada, como as palabras que ia poñer até que me pareza que volta pasar o mesmo.

MÚSICAS DA TERRA

2008-01-29T14:28:00.000Z

Veño de ler no Faro que entre as prioridades da A.C. A Fervenza de Ouzande deste ano non está a organización do festival Músicas da Terra. Unha pena. Sobre todo porque este ano quedo sen a camisola. Pero tampouco é grave. Eles son os que deciden que facer cos seus recursos e, se o seu obxectivo é a dinamización sociocultural da parróquia, o festival non é necesário. Hai que ter en conta que era máis para desfrute da xente que ía de fora que para os próprios Ouzandeses, que non facian máis que traballar para que ese dia estivese todo perfecto (e estaba, non sendo algunhas veces polo frio, pero neso non hai que facer-lle).

A SOLUCIÓN, NUN PAR DE MESES

2008-01-17T14:31:00.000Z

O fiscal da Audiéncia Provincial de Pontevedra solicitou hoxe 16 anos de inhabilitación para cargo público para o ex-alcalde da Estrada, señor D. Ramón Campos Durán, por un presunto delicto urbanístico.
Na vista celebrada hoxe, á que si asistiu Chito, tanto el como o resto dos ex-concelleiros imputados (lembremos que Somoza xa librou) reafirmáron-se nas declaracións feitas ante o xulgado do penal, no que dixeron que as licenzas non tiveran informes en contra. Pola súa parte, o daquela secretário do concello, o señor Armesto (pai), declarou que el si informara contra a concesión das licenzas, ainda que non de que outorga-las poderia ser un feito constitutivo de delicto.
A defensa solicitou que o suposto delicto se declarase como prescrito.
O xuizo queda visto para sentenza e o veredicto lerá-se, previsiblemente a comezos de Marzo.

NORMALIZAZÓN

2008-01-04T16:20:00.000Z

Dise polos corredores como segredo a voces que certo normalizador lingüístico do Concello da Estrada ten un choio asegurado na Secretaria Xeral de Política Lingüística, que depende directamente do Presidente da Xunta. O feito non teria maior trascendencia se este funcionário municipal non estivese entre os "golfiños" de Campos e non tivese como "hobbie" durante os anos de mandado de Chito a asisténcia a todos os actos de partido como imaxe de "xuventude" do mesmo. E tampouco teria maior trascendencia se este persoeiro da cultura local fixera algo pola normalizazón da língua no concello nos anos que leva traballando aí, a maiores de ser secretário en prémios literários, xurado en oposicións de resultado cantado ou xogar partidos de mestres contra políticos. Total, que como siga así a cousa (non é o primeiro caso de estradenses sen valia demostrada chupando da Xunta) a imaxe da Estrada no goberno nacional vai deixar bastante que desexar.

POLA LIBERDADE DE EXPRESIÓN V

2007-12-12T19:13:00.001Z

Veño de enterarme por chuza! de que no xulgado da Estrada veñen de desestimar a denúncia presentada pola família dun alcalde franquista de Cerdedo contra o historiador Dionísio Pereira, pola publicación dunha frase publicada no libro A IIª República e a Represión franquista no Concello de Cerdedo. Ainda que non se me ocorrera nunca facer un post a conta do tema, aledo-me de que así fose, e quixera dar o apoio do chimpín a todas aquelas persoas que buscan rematar coas inxustizas e sacar á luz as cousas ocorridas hai xa anos, pero que seguen a estar agochadas por algunha xente.

SEN COMENTARIOS

2007-11-28T23:48:00.000Z

Pois iso, que xa está todo dito.

INFERNO ROCK

2007-11-18T21:33:00.000Z

Esta fin de semana celebrouse na Estrada o Inferno Rock, unha série de concertos de grupos punteiros de ámbito estatal e galego organizados por un emresario local, responsable da empresa Inferno Produccións. Persoalmente teño que dar a noraboa a esta xente, xa que son dos poucos que se adican a mover un pouco o panorama cultural da comarca (organizan tamén o Verea Rock e o Silleda Rock) a pesar de non contar con demasiadas axudas. De feito, son os mesmos que levan a grupos noveis (e non tanto) moitos venres no pub "O Inferno". E ainda que non son amante deses estilos musicais quito o sombreiro ante eles.
O que non acabo de entender é a dificultade que poñen certas administracións e colectivos á hora de celebrar estes concertos. O ano pasado xa tivemos polémica cando trouxeron a Silleda ao grupo Soziedad Alcoholica. Este grupo é moi controvertido xa que foi acusado (e absolto pola Audiencia Nacional) dun delicto de enaltecemento do terrorismo. Daquela remataron tocando igual.
Desta volta, e dado que o grupo xa foi absolto, non se podian facer manifestacións nin declaracións en contra do grupo as reticencias viraron cara outo lado. Leo hoxe no xornal que

O venres pola tarde xurdiron algúns problemas que ameazaron con provocar a suspensión do festival. Segundo os organizadores, apareceron axentes da Garda Civil e algún representante municipal. Reclamouse todo tipo de autorizacións, seguros, licenzas, medidas de seguridade e requisitos como os relacionados coa capacidade da sala.

E como ao final non deberon atopar resquicios legais, a polos controis de tráfico. Parar a todo aquel con "malas pintas" (pelo longo e camiseta negra) e rexistrar-lle o coche, bolsos, cachea-los ou pasar ao can (moi bonito o can, por certo) por arredor del. O típico, vamos. Como pasa todos os anos na Rapa.
Do que creo que non se decatan é de que (se era un control de drogas, claro) na Estrada é por todo o mundo coñecido que o das drogas está á orde do dia (ou da noite), e non se ven este tipos de actuacións de xeito aleatório. Non, só cando veñen os Jipis e os Kinkis a un concerto de ruido.
Non son formas.

OS INGLESES

2007-11-03T12:31:00.000Z

o domigo pasado puiden ler na voz unha reportaxe na que se falaba da compra de casas nas aldeas da Estrada por parte de xente da Grande Bretaña, que polo visto mercan para quedar aquí. Fano a través da web dunha inmobiliária que está unicamente en idioma inglés.
Até aquí todo ben. Paréceme normal que veña xente de fóra para vivir nun clima máis benigno (quen ia pensar tal cousa). O que non me entra moi ben na cabeza é unha parte do texto da nova:

O matrimonio formado por John e Jill, residentes preto de Londres, adquiriu fai máis dun ano, a través de devandita axencia, a Casa de Herbeira, en Pumares-Rivela. Era un inmoble en ruína, que non espertaba demasiado interese, pero cunha boa leira detrás.
O inmoble está case rehabilitado do todo. Xa non se parece en moito ao que compraron, polo menos por dentro. eles pasaron alí xa uns días, e ata tiveron en vacacións aos seus fillos. é posible que queiran residir aquí, e facerse estradenses.

A cuestión é, que eu saiba, que para arranxar unha casa que está case ruinosa fai falla unha licenza de obra. Por todos é sabido que neste concello non se conceden licenzas de obra desde hai máis de catro anos, polo que non entendo que haxa unha casa arranxada que mercaron hai un ano.
A ver, entender entende-se perfeitamente. Por todos é sabido que neste concello podes facer o que che veña en gana. Eu sei de moitas casas que foron arranxadas e incluso contruidas sen licenza nos últimos catro anos, e sei tamén que non pasa nada por facelo. E non vou ser eu o que poña aquí cales son nin onde están. Non é traballo meu. É un traballo que lle corresponde ao Concello da Estrada. Traballo que non fai. O que si me parece alarmante é que saia nun xornal con toda a desfachatez do mundo. Din, directamente, que estes señores veñen de cometer un delicto. E poñe-no como se fose unha cousa estupenda. Pois non son así as cousas. O Concello debera facer un control no rural un pouco máis exhaustivo. Seguro que se fan un edifício sen licenza na vila se montaria unha boa. Pois nas aldeas non queremos ser menos.

MEME

2007-11-03T11:22:00.000Z

Un meme manda-me facer Lourixe,
que na vida fixen nin me vin en tal xeira;
oito cousas, as que eu queira,
nunha lista numerada esixe.

Andiven a buscar pola rede
e atopei o que facer tiña,
foi no blog de Besbellinha,
que nesto do meme nos precede.

Total, que aquí quedei pensando,
que demo de cousas se poden numerar
e co meu cerebro ando loitando.

Xa chega a hora de comezar
que o soneto vai rematando:
a lista embaixo debera estar.

E vai de séries de TV que vexo via P2P:

Dexter: é a história dun especialista duns CSI que, polas noites, adica-se a outros menesteres... Imos pola segunda tempada.
Battlestar Galactica: nun futuro lonxano as máquinas atacan á humanidade e esta debe fuxir. Política, racismo, loita de clases... e todo nunhas poucas naves espaciais. A cuarta tempada comeza en Xaneiro
Prison Break: un tipo moi listo mete-se na cadea para axudar a sair a seu irmán condeado a morte por un delito que non cometeu. Andamos pola terceira.
Heroes: xente con poderes sobrenaturais e xente con poder político. Segunda tempada en emisión.
Lost: xa se sabe, un avión que cae. Imos á cuarta en Xaneiro
The IT Crowd: sobre o departamento de tecnoloxias informáticas dunha grande empresa. Série moi friki. E moi boa. De risas. Segunda tempada rematada (seis capítulos)
Jericho: o(s) dia(s) despois dun ataque nuclear aos USA nunha pequena vila. Ollo, é destas series que non diron o nível de audiéncia e foron canceladas. Remata a partir de Xaneiro, cando farán uns capituliños debido á presión que desde a rede se lle fixo á cadea.
E a última adquisición: The big bang theory. Se The IT Crowd é friki,esta ainda máis. Dous científicos superintelixentes comparten piso e chega á veciñanza unha rapaza loira, guapa e tonta. De risas. Van seis capítulos da primeira.

E paso-llo aos que teño lazados aí á dereita.

TU QUOQUE IOLANDA? (OU POLA LIBERDADE DE EXPRESIÓN IV)

2007-10-16T22:11:00.001+01:00

Tras varios anos facendo autocrítica da razón galega, o blogue gráfico Aduaneiros sem fronteiras ven de botar o peche definitivo. O motivo non é outro que a amenaza de demanda xudicial por delitos de inxúrias con publicidade, feita por un avogado en nome de Dona Yolanda Castaño Pereira, "poetisa" galega? e colaboradora da TVG, en relación a unha entrada do blogue e os supostos comentarios verquidos sobre a súa persoa. Para todos aqueles que lles dea por pensar que habia comentarios que puideran ser inxuriosos (poden lelos aquí, na caché do google) saiban, segundo palabras dun dos aduaneiros que "ofreceuselle borrar os comentarios inxuriosos e deixar a gráfica e a resposta foi que ou se quitaba todo ou ia a xuizo". Desde aquí, igual que nos solidarizamos coa revista El Jueves tras o seu secuestro xudicial, queremos solidarizarnos con Aduaneiros e unirnos á campaña espontánea criada no blogomillo.
Para todos aqueles que queiran incluir a animación en cuestión no seu blogue, o código está no blog "As túas balas".

Requeteactualización: logo de aumentar várias veces a lista de blogues e médios que se fixeron eco da nova, entérome, de novo por Chuza!, que acaba de ser publicado un segundo comunicado de Aduaneiros sem fronteiras sobre o peche da web para aclarar algúns termos dos que se comentaba en internet e desmentir algunha das palabras de Yolanda Castaño facendo público o mail recibido por parte do avogado da poetisa.

Fin: Deixo de actualizar a lista a 24/10/2007.

Máis info en:

Máis blogues:

O cartafol de silencios (dous)
Arredemo
Apocalipse do porco (dous, tres e catro)
As túas balas
Beliscos pequenos
Modestoweb
Neorama dos quadrinhos
O quilombo
Travesías arcanas
A porta de prismos
Movemento polos dereitos civís
Diario dum suevo
Chantos na chaira
Galpón de Breogán
Plataforma Ártabra 21
Zero vacas
Blas García
Opaco
Portal galego da língua
Calidonia
Ana B. Bande
A Dorfunteca
Si home si (dous)
Além da linha inimiga
Intifada ghaiteira
Dias estranhos
Xornal aberto
Croques
Unha leituga en apuros
Paraxe do incordio
Caminhos cruzados (dous, tres)
Sempre en Galiza
Galicia Confidencial
Lucenismo e outros males
Marcus (dous)
Islas Cies blog
Andrés Milleiro / Todos somos Aduaneiros
Entrecomics
Clube de fans Os da Ría
O Ollo da Vaca
Inseminario
Curioso impertinente
Papel en blanco
Malmequer
Transparencias
MariBolheras Precárias
Vagalú
Rompendo o silenzo
Papar e vivir
Made in Galiza
O mundo de birnarem
Mintirosa do sapo (Nota como a de gerardinho2000: que não vos passe como a mim a primeira vez, ligai os alto-falantes do PC)
Mariano Grueiro
PHOHP
Capitulo 0
O bazar de Nes
De medievalismo y otras aventuras
Galiza Sosego (peche)
O ruido dos dias
O escunchador
Blog para unha antroidada
Zimmer103

OUZANDE ESTREA BLOG

2007-10-15T19:20:00.000+01:00

A asociación cultural A Fervenza de Ouzande ven de estrearse na blogosfera, cun blog no que, segundo din na primeira entrada, irán "informando das nosas actividades e contándoche a nosa historia". Desde aquí desexamoslles unha longa travesia pola rede. Benvidos.
Asimesmo animamos ao resto de asociacións estradenses a que se unan á iniciativa xa que, se ben unha web precisa dun deseño e un mantemento, un blog pode servir para informar de actividades de xeito moi sinxelo.

http://carreiros.blogspot.com/

UN XESTO PARA RAJOY

2007-10-12T00:00:00.000+01:00

Outros xestos:

Blas Garcia
Diario dum suevo
Chiringuito blog

No Chuza!

DÉIXA-ME PENSAR... QUEN SERIAN...

2007-10-09T16:36:00.000+01:00

Se venden 75 pazos gallegos. Razón, aquí

..."Otro de los inmuebles señoriales mejor tasados es el pazo de Preguecido, inaugurado en 1.556 en A Estrada. La heredera, Cruz Diz, lo vende por 2.500.000 euros. Tiene capilla, crucero, uno de los 7 palomares octogonales que hay en Galicia, 18 dormitorios y 250.000 metros cuadrados de finca, "la parcela más grande de Pontevedra". Los primeros en hacerle una oferta fueron un ex conselleiro y un concejal que, "para presionar", le "pusieron la protección máxima" a su terreno. Luego pasaron "madrileños, valencianos, catalanes", gente que quería montar un campo de golf, otro ex conselleiro y un gallego que soñaba con un cámping. Pero en año y medio, no ha habido trato."

El Pais, 07/10/2007

BOA XENTE

2007-10-09T14:20:00.000+01:00

"Hai homes que loitan un día
e son bos,
hai outros que loitan un ano
e son mellores,
hai algúns que loitan moitos anos
e son moi bos,
pero hainos que loitan toda a vida,
eses son os imprescindibeis"

Bertolt Brecht

Esta cita de Bertolt Brecht escoitase moitas veces cando se fala de Ernesto Che Guevara, cuxo cabodano (e van 40) se celebra hoxe. Ainda na actualidade é unha personaxe controvertida a quen se considera loitador, libertador e revolucionário por parte das esquerdas e delincuente e asasino por parte das dereitas (xeralizando, que cada persoa opinará o seu). O que si está claro é que é todo un icono, e que representa ao inconformismo co poder establecido (lembrar que deixou a revolucion cubana cando trunfou definitivamente para seguir loitando noutros paises). E o que tamén está claro é que de uns anos a esta parte estamos asistindo a unha banalización da súa imaxe (a famosa foto de Alberto Korda), que se utiliza como simple ornamento sen que algunha da xente que a leva en camisetas ou bolsos saiba exactamente quen foi. Mais non hai que verlle a todo o lado negativo. Quen leva esa imaxe nunha camiseta ou nun bolso pode que non saiba quen é, pero lévaa porque sabe que é un símbolo do inconformismo, e lévaa porque non está conforme.

Presente.

O PACTO

2007-10-08T00:24:00.000+01:00

Previamente, no concello da Estrada:

O que fixo o PP xa o sabemos e, polo que se ve, tamén está claro o que vai facer o PSOE.
os socios-listos deberías en facer unha auditoria tal como se fai en teo, para ver como deixaron os do PP o Concello. ¿Ou é que non van facela para q1ue logo non lla fagan a eles?
Chegará o goberno municipal socialista aos 100 días con algún deber feito? Alguén notou “o cambio” de goberno local?
Efectivamente ainda non se nota cambio no governo local, salvo nunha cousa, que este sae máis na televión local co outro, que xa é dicir.Mandache carallinho. Creo que lle van a poñer nas siglas a letra “D” e pasará a chamarse dono estrada televisión.
Diría o mesmo Dono, se o Bloque da Estrada incumplira o Acordo Marco e el non fora Alcalde?
...ovellas descarriadas que agora andan pactando con Dono (Cidadáns)...
Esta xente vai facer que a xente empeze a pensar o do “co PP isto non pasaba”
E sobre o tema do PXOM direi que o PSOE debe estar negociando con Reboredo a ver que se pode arranxar e que hai que deixar como está, a fin de contas el elaborou este PXOM e el ten a chave para poder aprobalo.
Xa está ben que Dono lle bote a culpa de todo os funcionarios e abronque os xornalistas. Que abran a piscina, axilice as licencias e aprobe o Pxom. E que nos explique o seu pacto con Reboredo
...din que a Espiño non lle dan as contas e pretende levar a cabo un novo catastrazo, agora no rural (pois penso que na vila non se atrevería, visto o visto). Será para pagarlle o soldo de Dono? Ou terá que facer contas con Reboredo?
Por certo, vistes pola tele as boas migas que facían Dono (PSOE) e López (PP), os dous defendendo a Sanmartín (PSOE) e falando mal do Conselleiro (BNG)?
os simpatizantes do BNG xa tivemos unha reunión e xa sabemos o que hai.
o psoe de esquerdas? non me fagades rir.
...ao PSOE sempre lle quedará Reboredo…
os sociatas non están preocupados co pacto co BNG, iso é certo, porque xa o teñen todo con Reboredo e Juan Torres.
INTRANSIXENCIA PREPOTENCIA=INCOMPETENCIA?
É unha pregunta que lanzo ao foro porque estou preocupado co talante intransixente e prepotente que está a mostrar Dono.
...o PSOE non fixo nada para merecer o triunfo, nada.
Dono fará bo a Chito, e se non ao tempo.
...Eu non votei por el, pero falo con moita xente que si o fixo e tá alucinada por andar de pactos con Reboredo...
Se Espiño e os seus pactaron co PP de Reboredo durante a ultima lexislatura, agora Reboredo pacta co PSOE e viceversa.
E parece que en Teo o PSOE e o PP tamén se entende á perfección.
A experiencia é que PSOE e Reboredo pactaron na anterior lexislatura moitos asuntos para deixar de lado ao BNG. Estando Gonzalo e despois Raquel.
Os estradenses xa estamos afeitos a ver como o PSOE pacta co PP e afíns.
É a mesma política que a do PP.
Reboredo merece unha recompensa. Por que non o nomean asesor de Urbanismo?
PSOE REBOREDO(PP bis)=PACTO DA VERGOÑA
O voso é apoiar os vosos intereses particulares e partidistas. Ala, ala, a seguir pactando co cidadán Reboredo. QUE SERÁ O QUE LLE DADES A CAMBIO?
Dono non ten o apoio da maioría dos estradenses que foron votar. E el si que é “integrista” e “talibán”
Andaremos e veremos como se consolida o pacto PSOE-CIDADANS
...estratexia do PSOE enganando a súa base social dicindo que non puideron pactar co BNG porque lle pedian moito e asi xustificar o pacto con Cidadáns que xa se visualizou no acordo do soldo desorbitado e outros que irán saindo.
Mellor que gobernen en minoria senon dentro de catro anos eles levanse as flores e os votos e os do BNG baixan como esta ocurrindo en outros municipios de galiza.
Por certo, o PSOE é de esquerdas?

Todas istas frases foron recollidas dos comentarios feitos por simpatizantes do BNG nos blogs "Ruxe-ruxe na Estrada", "A Estragada" (lazos no lateral) e este próprio. Non poño os lazos de todos porque é demasiado traballo, pero aseguro que non inventei nada. Seguirán pensando o mesmo agora?

Noraboa da miña parte a PSOE e BNG por ter acadado un pacto de goberno. Así sempre o quixen e defendín, como quedou patente nesta bitácora.

FREEBATASUNA

2007-10-06T00:17:00.000+01:00

Ante a detención de preto de 20 representantes da esquerda indepentista basca, iniciamos unha campaña de denuncia.

Se estás dacordo une-te.

Só tes que pendurar un post no teu blog, en mesaxeria instantánea, e-mail, Myspace, Fotolog.... coa palabra freebatasuna.

Manifesto:
Por unha solución democrática, as palabras sobran: freebatasuna.

Euskal ezker independentistako 20 ordezkari inguru atxilotu dituztela-eta, salaketa kanpaina abiatu dugu.

Adierazpenarekin ados bazaude, bat egin ezazu.

Zure blogean, bat-bateko mezularitzan, epostan, Myspacen, Fotologen... freebatasuna hitza duen post bat idatzi besterik ez duzu egin behar.

Adierazpena:
Konponbide demokratiko baten alde: hitzak soberan daude: freebatasuna

Perante a detençom de perto de 20 representantes da esquerda independentista basca, iniciamos umha camapanha de denúncia. Se estás dacordo une-te.

Só tés que pendurar um post no teu blog, mensageria instantánea, e-mail, Myspace, Foto-log... coa palavra freebatasuna.

Manifesto:
Por umha solucçom democrática, as palavras sombram-se: freebatasuna.

REMATA O VERÁN

2007-09-17T13:09:00.001+01:00

Agora que está por rematar a tempada festeira do verán, na Estrada temos a oportunidade de darlle unha boa despedida coa segunda edición do festival Pe na Estrada, que se celebra este sábado 22 na carballeira da zona dos institutos. Este ano contaremos coa presenza dos madrileños Fritanga, os barbanzáns da Compañia do Ruido e da charanga Oito nun Piso e os ulláns Pe de Boi. Seguro que dan un bo espectáculo.

LIXO

2007-09-11T12:54:00.000+01:00

Como os outros blogueiros estradenses xa se ocupan das cousas importantes e que teñen grande trascendencia na vida diaria dos estradenses (a fundación de exposicións e congresos, a autovia, ou se fulano vai ao fútebol) eu vou falar hoxe dunha tonteria.
No mercado do sábado o concello debeu repartir sacos para o lixo entre os comerciantes. Xa vedes. Unha tonteria. Ou un simple detalle que fai que a chamada Praza de Martínez Anido non quede chea de merda toda a fin de semana. E xa me diredes o esforzo económico e de persoal que require: ningún. Porque aquí sempre se fala de cartos, pero ás veces vale, simplemente, querer facer algo.

OBRAS

2007-08-25T11:46:00.000+01:00

Ven de sair nos xornais a nova da peonalización da Rúa Serafín Pazo, cousa que, por certo, xa era hora, e cousa que xa comeza a lembrar ao goberno anterior. O problema principal destas peonalizacións é que, como paga a deputación, eles fan o proxecto, e fano á súa maneira. Por iso, e tres días despois de que se anuncie, xa andan a cambiar o proxecto de marras, porque os comerciantes esixen zonas de carga e descarga. O que eu non acabo de comprender é por que a calzada da rúa vai ter 3,60 metros de ancho. E claro, coas zonas de carga e descarga haberá algún treito da rúa que quede coa acera como ata o de agora. E non comprendo o do ancho da calzada porque, segundo teño entendido, o ancho máximo dun vehículo neste estado anda polos 2,50. Ponlle que poñemos algo máis para que colla ben un camión. Tres metros. Sobran 60 cm que, nesa rúa fanse ben necesarios para as beirarúas. Igual é para que a xente pare o seu carro onde non se pode e colla outro coche xustiño. Cousa que pasa noutras rúas da vila. Pero claro, se o arquitecto que fai o proxecto é un tal Carlos Rosón, tristemente coñecido na Estrada... non se lle pode pedir máis.

DIME CON QUEN PACTAS...

2007-08-05T18:04:00.000+01:00

O BNG escenifica unhas negociacións fallidas co PSOE para xustificar o seu acordo co PP

Nos últimos plenos que tiveron lugar no Concello da Estrada, desde a ruptura das negociacións para formar goberno que estaban a manter o PSOE estradense e o BNG baixo as directricesdo señor Quintana, que non quere un goberno de coalición senón dous gobernos paralelos, púxose en evidencia con que forza política ten vontade de acordo o BNG da Estrada, xa que non fai máis que votar co PP en contra do grupo de goberno.

Para o chimpín resultou moi clarificador o sucedido nos útimos dous meses, e considero que as conversas que mantivo o BNG co PSOE nas últimas semanas máis ca a unha vontade real de formar un co-goberno PSOE-BNG respondían a tratar de dar a imaxe da existencia desa vontade no BNG... xa que son conscientes de que existe unha demanda social de cambio político na Estrada que pasa pola conformación dun co-goberno PSOE-BNG. O chímpín lamenta o intento de manipulación da opinión pública estradense por medio dese simulacro de conversas e a utilización que o BNG fixo da vontade do PSOE de chegar a un acordo de co-goberno para os vindeiros 4 anos.

En conclusión, o BNG presentouse as eleccións para gobernar, non para estar na oposición. O respaldo obtido nas eleccións non lles permite ser eles quen decida formar goberno senón que a iniciativa lle corresponde ao PSOE. Se tiveran interese en contar con eles simplemente tiñan que cumprir o asinado ou propor unha fórmula aceptábel para o PSOE e que non supuxese un esquecemento dos resultados electorais, e se non queren, que o digan con claridade, pero que non traten de culpar a quen non ten a culpa de rachar as negociacións e de que non exista un goberno de coalición, e moito menos, como coartada para xustificar que chegaran a un acordo co PP. Soamente demandamos que non utilicen ao PSOE de escusa e que asuman claramente a responsabilidade das súas lexítimas decisións.

25 DE XULLO: FUEJOS, TEATRO E MÚSICA

2007-07-26T11:39:00.000+01:00

E resulta que foi o día da Pátria, ou de Galiza, ou de Galicia, ou do apóstolo, ou do santo patrón de españa, ou de santiago matamoros y cierraspaña!, ou... Iso, que foi o 25 de Xullo. Eu pasei por alí e fun a catro espectáculos organizados pola comisión: os fuejos, unha performance (teatro moderno dese raro), aos Orishas en concerto e aos The Ellas en concerto. Imos por orde.

Os Fuejos: un lixo. Igual o día que os organizadores se decaten de que hai máis xente mirando fóra do Obradoiro que dentro poñerán máis lumes aéreos. Se, aínda por riba, só poñen unha traca final e enchen todo de fume, o resultado é o seguinte:

A performance: un rollo estrano. A min esto da arte moderna... non sei. A cousa era máis ou menos así: o público sentado nas escaleiras de platerías. Enfrente, á esquerda, un grupo de 30-40 actores, ataviados con bandeiras de Galicia ou Cataluña e máscaras brancas. Á dereita outro grupo duns 20 actores, neste caso vestidos de azul e cuns paus grandes na man. A acción comeza cando o primeiro grupo comezou a dicir "Fascistas, fascistas!" cara o outo grupo e este amagaba con moverse cara a eles. Repetiron a acción várias veces ata que o grupo vestido de azul comezou a correr atrás do outro. Creo que era unha adaptación libre de "West side story".

Os concertos: En común tiveron un son bastante malo. O de Orishas estaba ben, pero gustoume máis o outro e sorprendeume que o Tosar canta ben, e cunha voz moi suave e nada parecida á que ten cando fala e/ou actúa. Se lle sumas uns bos músicos e unha boa selección de cancións, dáche un bo concerto. Esta é a foto mala do de Orishas:

POLA LIBERDADE DE EXPRESIÓN (III)

2007-07-20T17:56:00.000+01:00

1, 7 e 1573. Son os números dos exemplares da revista semanal "El Jueves" retirados pola xustiza nos 30 anos da súa historia. Había 30 anos da última vez. E non había a "democracia" como agora. Pero cometeron un erro moi grande: non se pon á familia real na portada. Os lectores habituais da revista sabemos que moitas veces se publicaron caricaturas máis fortes do rei e a súa parentela, mais era dentro e ninguén a vía. Un par de centos de miles de jipis trasnochados. Agora, esa portada está en miles de páxinas web, xornais dixitais, televisión... e a revista esgotou a súa tirada. A edición dixital só poñía "SERVER IS TOO BUSY". Igual só era unha estratexia de márquetin de Monteys. Aínda llo van ter que agradecer ao del Olmo este. Eu merquei a revista o mércores e lina nos descansos do traballo, como se pode comprobar.

MÚSICA NO VERÁN

2007-07-13T12:47:00.000+01:00

Chega o verán e chegan as festas. Por estes lares temos unha serie de eventos que xa son imprescindibles nas axendas d@s máis e os non tan festeiros. Pasou xa o de Sabucedo, onde estiveron os estupendos GalegoZ dando conta da súa Revolution Dance e os impresionantes madrileños de Alameda do Soulna cun moi traballado reagge-ska e unha mellor posta en escea que fixo as delícias do público.
O testemuño tócalle collelo, o dez de agosto (atención ao cambio de data), ao festival Músicas da Terra de Ouzande. Presenta unha noite de música ao estilo habitual, cos locais Retrouso, as cantareiras de Faltriqueira e os gañadores morais do Apolohit 2006, a Banda Potemkin.
- Edito 17/07/07: tamén estará o grupo compostelán Lúa de Fouce -
Pola súa parte no festival As Nosas Músicas de Couso, o 14 de agosto, contaremos (se non me engano) coa presenza dos xa coñecidos Festicultores, Sérra-lhe aí (que estiveron en Ouzande o ano pasado) e, de novo, coa Banda Potemkin.
Do festival Pe na Estrada, que tivemos a oportunidade de desfrutar o ano pasado na Praia Fluvial do río Liñares non sabemos nada, igual ten que ver co cambio de goberno.

POLA LIBERDADE DE EXPRESIÓN II

2007-07-08T23:24:00.000+01:00

O chimpín quere apoiar un blogo galego que avoga pola liberdade de elección e expresión. Chámase Tan gallego como el gazpacho. Adiante compañeiros, estamos con vós e contra todos os ataques inxustificados que recibides.

70 ANOS DESPOIS

2007-07-03T10:35:00.000+01:00

70 anos despois de que os golpistas fusilaran a parte da corporación e veciños da Estrada, parte dos veciños estaban ilusionados cun novo goberno, cun cambio que algúns dos poucos que quedan e viviron aquela barbarie recibiron con bágoas.
70 anos despois a esquerda voltou gañar unhas municipais na Estrada.
70 anos despois temos a oportunidade de ter de novo na Estrada un goberno de esquerdas.
70 anos depois algúns teñen que esquecerse por un tempo de vice-alcaldías, concellalías e adicacións exclusivas e facer un esforzo polo ben dos veciños.
70 anos despois a mellor homenaxe que se pode facer é ter na Estrada un goberno de esquerdas, polos que estamos aquí e polos que morreron agardando a que este dia chegara.

EN FESTAS 2007

2007-06-27T13:09:00.000+01:00

Chega hoxe o remate para as festas da Estrada, cun balanzo positivo en comparación aos últimos anos. O certo é que, aínda que sempre se poden poñer pegas, desta volta non o vou facer. Creo que a comparativa deste ano cos precedentes, e sobre todo co ano pasado, deixa un balanzo positivo para a comisión actual. E como polo visto repiten para o ano próximo, imos darlles a posibilidade de melloralas sen críticas. Que non se poden pedir marabillas cando se parte de cero, xa bastante fixeron.
Do que vimos só vou falar do concerto do arxentino Coti Sorokin, que foi ao que asistín. Quen queira información dos outros deixo lazos a Pablokani cos Suaves, e á Voz co do Arrebato. De Rosa nada, que para o que cantou... E un detalle para a comisión, este si mo vou permitir: Escenarios descubertos en Galiza... son un risco innecesario.
Coti entrou no escenario pasadas as doce e cuarto da noite, ante unha praza case chea, e comezou con toda unha declaración de intencións, dandolle forte ás guitarras, cunha canción do seu novo disco, continuando cunha movida "Antes que ver el sol", para despois saudar e continuar coa presentación dos "Gatos e Palomas" mesturando cancións de "Esta mañana y otros cuentos. Demostrou tamén que sabía onde estaba, cando despois de cantar "El inmigrante", que adicou á emigración de ida e volta galego-arxentina, fixo un fragmento da "Miña terra galega" de Siniestro Total. E continuou coas referencias á emigración con "Buenos Aires", a quinta provincia galega nas súas propias palabras. Tivo tempo tamén para lembrar un par de clásicos como son "Me vuelvo loco" de Tequila e unha versión rocanroleira da "Princesa" de Sabina. O punto humorístico caeu cando, para presentar a canción "Pequeña historia de un funcionario corrupto", dixo que en todos os sitios había funcionarios corruptos e parte do público asinteu efusivamente, coas conseguintes risas dos que estaban enriba do escenario.
Para rematar, un par de bises con temas dos máis coñecidos, saúdo e fin.
Edito: se o propio Coti pon "minha terra galega" con ene agá no seu blog, eu non vou ser menos.

Municipais07: INESPERADO

2007-05-28T13:21:00.000+01:00

Gañou o voto de progreso. Na Estrada ao PP non lle vale nin eso de que ten que gobernar a lista máis votada. Porque a dereita perdeu por primeira vez na democrácia.
Ninguén o agardaba. Habia algunha persoa que vaticinou unha lixeira vitória do PSOE, mais dándolle 8 concelleiros. Eu creo que nin eles o esperaban. 9 concellais, e case 10. Foi o cambio de candidato? Foi unha campaña dirixida contra o PP e Reboredo? Foi que Dono dixo que non ia deixar de exercer a medicina no ambulatório? Foi o voto dos descontentos co PP? Foi o voto útil? Temas para que analisen con tempo, e agora a non defraudar aos/ás votantes.
Ninguén o agardaba. Alguén tiña algunha esperanza, mais pouca xente, e menos o próprio PP, pensaba que ian baixar tanto, de 12 a 7 concellais. Foi un voto de castigo polo PXOM? Tiraba Chito máis do que parecia? De la Calle non vale para atraer masas? Tira Reboredo máis do que pensaban? Teñen catro anos para remoer.
Ninguén o agardaba? Eles non, o vínculo do BNG coa realidade non está demasiado claro. Agardaban un mínimo de 5 concellais. E sacaron tres. Voltan aos resultados do 95. Mais debia haber quen pensaba na maioria absoluta. Non se entenderia, senón, o feito de que digan agora que o BNG non quere entrar no goberno, se é certo o que publica A Voz (EDITADO: xa dispoñible na edición dixital) e que me pareceu entender onte nos especiais das televisións locais. Para que se presentaron entón? E a baixada. A min que non me boten a culpa, que este blogo o len 40 persoas ao dia e son sempre as mesmas. Foi polo apoio incondicional e a toda costa á cidade do moble? Foi pola candidata? Foi por unha campaña dirixida, entre outros, contra a única posibilidade de pacto que tiñan? Foi polo voto útil que me dician que tiña que facer e que foi parar ao PSOE? Mirádeo ben, e reflexionádeo ben, e pensade ben o de entrar no goberno, porque senón igual nas próximas eleccións perdedes os concellais que vos quedan.
O de Reboredo e Villamayor si que era esperado por todos, e tamén por eles. Agora queda saber se Reboredo vai seguir sendo concelleiro logo do xuizo ou vai ser inhabilitado.

Persoalmente quédome coas declaracións que onte fixo Dono, dicindo que queria gobernar en coalición co BNG, que era o seu aliado natural, e que hoxe mesmo EL ia ir falar con eles para empezar a negociar. E repito, os votantes do Bloque queren ás persoas ás que votaron no goberno.

Municipais07: PNVBNE

2007-05-24T16:13:00.001+01:00

O das eleccións este ano está dando moito xugo. Eu xa non sabía a quen votar, por iso montamos esto d@s RESENTID@S e o do Partido das Droghas Tradense. Mais tamén é certo que sempre me tirou máis o BNG ca os outros partidos. Nacionalistas e de esquerdas. Que pasa?, que con esto da chegada ao poder, as leas internas, etc. moita xente comezou a poñerse recelosa do esquerdismo do Bloque e das súas formas de facer certas cousas. Por iso debeu se que houbo quen montou un partido virtual chamado PVBE, ou Partido dos que Votan ao BNG por Eliminación ao que eu xa estaba afiliado nada máis nacer o partido, incluso antes de coñecelo. O tema é que segundo vin no chuza! o señor Quin, chefe sumo do partido e responsable da "anovación" (outros pensamos que retroceso) do partido ven dicindo agora que o nacionalismo galego, e do Bloque, "no se inscribe en lo que tradicionalmente se considera izquierda". Eu quero votar á esquerda e polo visto o Bloque xa non é de esquerdas, polo tanto desde este instante abandono o PVBE e dáme por fundar o Partido dos que NON Votan ao Bloque nin por Eliminación (PNVBNE). E aí queda papeleta eleitoral por se alguén quere secundar a iniciativa. Non hai máis que imprimir, recortar e meter nun sobre.

Municipais07: ENQUISA

2007-05-20T17:30:00.000+01:00

Aparece hoxe unha enquisa no Faro de Vigo onde se dá conta das intencións de voto dos estradenses de cara ás eleccións municipais do próximo domingo. Segundo esta enquisa existe a posibilidade de goberno en solitario do PP ou en coalición cos Cidadáns de Reboredo (aliado lóxico do PP), xa que lle dá 10 ou 11 concelleiros ao PP e 0-1 aos Cidadáns. Segundo a enquisa quedaria unha posibilidade de goberno de "esquedas" cunha hipotética coalición entre PSOE (6-7 concellais) e BNG (3-4), que se daría caso de quitar 7 o PSOE e 4 o BNG.
Eu non quero darme de vidente, nin fixen unha enquisa, mais non creo que as cousas vaian quedar así, nin tampouco como puxen na porra (8-8-3-2). No que si estou dacordo con Ipsos Consulting, empresa realizadora da enquisa, é nas tendencias no voto. A baixada do PP é evidente, e serían as segundas eleccións consecutivas que lle pasa, tras baixar máis dun 10% no 2003 respecto das anteriores. Mais para este ano agardo unha baixada maior, que se quedará nun 40-41% de apoios. Tamén a subida do PSOE é evidente, seguindo a progresión dos últimos anos. Agora, 6 paréceme pouco. E o BNG por aí andará, cos 3-4. O evidente é que non van sacar 5. E ben, chegamos ao punto de Reboredo e o CIDEGA. Non hai dados anteriores, non se sabe como pode cair a candidatura... E, sempre na miña opinión, é aquí onde vai estar a clave destas eleccións. Porque van pelexar por un concellal co bloque. E será a acta que dea o goberno a favor duns ou outros. E persoalmente creo que será cara á dereita, con 9 do PP e 2 do CIDEGA. Gustariame que non, mais trato de ser o máis obxectivo que se pode ser inventando unha enquisa. O que si teño claro é que o PP non vai ter 11. Se atino ou non saberémolo dentro dunha semana.

Municipais07: ALTERNATIVA ESTRADENSE

2007-05-18T16:07:00.000+01:00

Revisando antigas entradas atopei unha na que falaba de Alternativa Estradense, dando por feito que perdera a miña aposta comigo mesmo de que non ían presentarse ás eleccións. Xa non o lembraba, mais poño esto porque atinei. O que non atopei foi o comentário onde o puxen. Debía estar no desaparecido Disque na Estrada, e debeu perderse para sempre.

Municipais07: P.D.T.

2007-05-15T23:05:00.000+01:00

No chimpín recibimos este comunicado. O feito de dalo a coñecer é porque... porque tá bonito. E a quen non lle gustou o dos RESENTID@S igual lle gosta este. Se por partidos non vai ser.

P.D.T.

[Partido das Droghas Tradense]

COMMUNIKADO 1

Hestimados TradenSes (hincluidos hos dos Partidos ghovernantes):

o P.D.T. xegou pra kedar-se. Dirisimo-nos a bos para enbiar-bos um hultimatun. Haí bai: que zaivades que keremos ganyar has Eleisions. Hestamos bisiando a bossa condutta he akavamos de hinfiltrar halghuns dos noSsos meiores hakSentes em tóda-las Mesas Helertoráis, hincluida a de Verres. Kuios haKsentes azquirirom az hapariências esternas dos mais malosos de todos bos koha kseniál idea de dalnos tódo-los botoz.

Zomos o ghrupo malloritario na Estraghada. Ha malloria ssshilensiosa: ¿kem no porvou drhogas na Estraghada? Tódo-las savemos donde hestám: nakel var, o do hondo a a dereita. Tódo-las savemos kenes xon os nozos meiores hakSentes: handan hentre bos, bestidos kom rallass. Sóyo patar-emos Kon Revuredo, EL-ke-bien-hescrive.

Hexxighimoss Puestos para tódo-los noss.

No P.D.T luitamos po-la dependênzia, DEPENDÊNZIA!!! DEPENDÊNZIA!!!, de to-dólos botadoress Do mundo mundial. Dependemos das drhoghas e hestamoss horGuyososs. O noSso seghinte passo será seqühestrar ha halghum dos memvros da bossa cóppula hintelettual -VIBA a Frebença. Nom o liverrare-mos se nom ganyamoz.

KEM HABISA NOn HÉ TRAHIDOR.

P.D.T.

Municipais07: OS LEMAS DA CAMPAÑA

2007-05-14T17:53:00.000+01:00

O dos lemas de campaña é algo que non entendo demasiado ben. Noutros tempos os "slogans" utilizábanse para definir as políticas que seguiría o partido concreto caso de gañar as eleccións. Mais agora todo queda reducido a unha frase bonita e que quede ben no cartel electoral. Pódese comprobar no caso da Estrada. Quitado o lema dos Cidadáns, que tampouco di nada, mais leva o nome do partido, o resto serian completamente intercambiables. ¿Por que non poderia poñer o Bloque "Outra forma de gobernar", que é o que utiliza o Partido Galeguista? ¿Que tal lle quedaria ao PSOE a "Confianza" do PP? ¿E estes non poderian facer unha "A Estrada pensada para ti"? ¿E o PG non pode dicir que "Faremos máis" ouque son "Tempos novos"? E o dos "Cidadáns coma tí" (así, con til) ben valia para calquera, para calquera das sete cidades, claro. O da precampaña do PP, "Centrados en ti" definía, mais vendo as políticas do partido tamén mentía. E é que na Estrada non hai unha Esquerda Unida que propoña "Un goberno de esquerdas" de forma clara e concisa.

Municipais07: PORRA

2007-05-09T23:43:00.000+01:00

Veña, xa que ainda teño unha camiseta por dar, imos facer unha porra destas eleccións.
As normas son simples:

Para participar pon un comentario a este post.
Hai que dicir cantos concellais van sacar cada partido (PP, PSOE, BNG, CIDEGA, PG) e teñen que sumar 21
Non se poden repetir combinacións existentes (o que repita queda eliminado/a)
Quen queira optar ao premio dunha Chimiseta debe identificarse dalgún modo, para poderlle facer entrega do premio (se ten identidade Blogger ou Google chega con iso). Admítense concursantes anónimos, mais estes non optan ao premio.

Pois iso, simple. O concurso pecharáse o día 26 de maio. De non aparecer gañador ou ser este anónimo non se entregará o premio, ou igual o sorteo entre os/as concursantes, a ver como me levanto o 28.
Molládevos, eu móllome e poño o primeiro comentario, ainda que cunha combinación que creo pouco probable.

Municipais07: OBRAS E GRACIA

2007-05-08T15:27:00.000+01:00

O de Campos (Chito) ten gracia. Antes cando chegaban as eleccións (xa foran autonómicas, xerais ou municipais) nos concellos poñíase un punto de luz a fulano ou un contedor en tal aldea. Pero este home non, vai máis alá. Resulta que no Souto de Vea levan meses queixándose dunhas obras que ben parecían as do escorial, dado que comezaron alá por xaneiro do ano pasado. E o señor andivo xestionando na diputación que llas remataran, mentres poñía excusas peregrinas para xustificar o retraso. Fallo pola súa parte, o único que precisaban os veciños era unha convocatoria de eleccións. Logo de un ano, tres meses e vinteseis días, como se dunha condea se tratase, o señor Don Chito anuncia o remate das obras dunha beirarúa como todo un logro, como se fose normal tardar ano e pico en poñer unhas baldosas. E xusto antes das eleccións. Sen ruborizarse. Persoalmente agardo que as rematen antes do día 27, porque senón os veciños do souto e arredores terán que agardar ás xerais para velas rematadas. E aínda queda outro ano. E tamén agardo que os veciños non se esquezan en quince días do estado do lugar no último ano.
Da peonalización de Serafín Pazo, que queda en medio metro máis de acera diante do cine, ou dos últimos asfaltados , ou do arranxo dos parques infantís xa non digo nada. Para que.

ACTUALIZAZÓN

2007-05-07T19:04:00.000+01:00

Escoitei falar moito da web 2.0, e escoitei de todo. Ao cabo, non sei se existe ou non, pero como non me quero qedar atrás aí á dereita tedes os feeds deste blogo.
Ademais poño tamén os lazos de Vieiros e Chuza!
Anovarse ou morrer.
Por certo que, falando de morrer, saeu estes días un rumor sobre a desaparición de aduaneiros sem fronteiras. E case, pero segue activa. E agardo que teña longa vida.

Municipais07: @S RESENTID@S

2007-05-02T20:46:00.000+01:00

Somos os que ninguén chama, aqueles que todos os partidos ignoran, os que botamos semanas agardando por esa chamada que nunca chegou, os que pensabamos que tiñamos tantas cualidades como calquera, os que criamos ter ideas por/para A Estrada.

Somos os resentidos.

Somos as que ninguén chama, aquelas que estabamos seguras de que non rompiamos as fotos, as que serviamos para darlle paridade as listaxes, as que ata tíñamos estudos. As que non temos intereses particulares.

Somos as resentidas.

Porque ningún partido andou atrás nosa para ir de 4 na súa lista (nin sequera o noso).

Porque tamén queremos chupar do bote.

Porque tamén queremos ter un local céntrico e de deseño.

Porque ningún partido nos pediu ir no número 10 na súa lista (nin sequera o noso)

Porque tamén queremos ter curriculum.

Porque tamén queremos un chope para as nosas familias.

Porque ningún líder de partido (nin sequera o noso) nos pediu ir de 21 na lista.

Porque tampouco nos preocupa A Estrada.

Porque tamén queremos adicación exclusiva.

Porque non somos hipócritas...

...creamos un novo partido: @s Resentid@s.

Se a ti tampouco te chamou ninguén (nin sequera o teu partido) envía un comentario.

NÓS SI TE QUEREMOS NA NOSA LISTA

A ESTRADA 1-1 MORALZARZAL

2007-04-16T20:03:00.000+01:00

O pasado sábado sorprendeume ver en Informativos Telecinco unha reportaxe sobre a vila madrileña de Moralzarzal (9.973 hab.), no que se explicaba que era o primeiro municipio do estado español en dispoñer unha rede Wi-Fi con cobertura en todo o término municipal. Pensei que escoitara mal, pois todos sabemos que esa reportaxe xa saeu en varios medios nacionais (TVG, vía Ruxeruxe, El País) referida á Estrada. Pero é o que ten a interné, que todo se atopa. Como se pode comprobar nas edicións dixitais de La Razón e Madridiario o proxecto Moralzarzal Digital consigueu que o municipo de Moralzarzal sexa

el primer municipio Wi-Fi de España

Pois eso, temos dous primeiros municipios Wi-Fi de España. Ou é que igual non estamos en España?

LENDAS URBANAS

2007-04-15T20:30:00.000+01:00

¿Viches un crocodilo nos sumidoiros de Nova Iorque?
¿Atopaches un coche de Tráfico no garaxe un domingo pola mañá?
¿Foches multado por levar CD´s gravados no coche?
¿Viches o "Sorpresa Sorpresa" de Ricky Martin?
¿Estoupaches por tomar unha Coca-Cola e Peta Zetas?
¿Viches a nave extraterrestre da Area 51?
¿Atpoaches un submarinista nun monte logo dun incendio?
¿Conectácheste a Internet coa WiFi de aestradadixital?

CONDUCTA

2007-04-12T17:10:00.000+01:00

Poño aquí un resumo dos diferentes códigos de conducta á hora de postear e comentar en blogs e a internet en xeral, feito por Microsiervos. Tamén se poden ler cousas máis amplas en Manifiesto Blog España e Netiqueta

Código de Conducta para Bloggers

Asume a responsabilidade non so polas túas propias palabras, senon tamén sobre os comentarios que permites no teu blog.
Etiqueta o teu nivel de tolerancia para comentarios abusivos.
Considera eliminar os comentarios anónimos.
Ignora aos trolls.
Continúa a conversa fóra de Internet, fala directamente, ou atopa a un intermediario que poida facelo.
Se coñeces a alguén que está a comportarse mal, faillo saber.
Non digas nada online que non poderías dicir en persoa.

Tod@s @s blogueiros e os que fan comentários nos blogues deberan laer algo desto.

DA TORRE E AS ADMINISTRACIÓNS

2007-04-12T14:38:00.000+01:00

A Torre de Guimarei está declarada Ben de Interese Cultural pola Lei 13/85 LEY DE PATRIMONIO HISTORICO 25/06/1985 (.pdf, 2,4 MB) e posteriormente pola LEI 8/1995, DE 30 DE OUTUBRO, DO PATRIMONIO CULTURAL DE GALICIA (DOG nº 214, de 8 de novembro de
1995). (.pdf, 72 KB), pola cal a administración autonómica asume todas as competencias en materia de Patrimonio Cultural de Galicia.
Na Lei 8/1995, no seu artigo 25.1 dise:

Os propietarios, posuidores e demáis titulares de dereitos reais sobre bens integrantes do patrimonio cultural de Galicia están obrigados a conservalos, cuidalos e protexelos debidamente para segurar a súa integridade e evitar a súa perda, destrucción ou deterioración.

Non sei se é cous miña ou non, pero creo que a conservación da Torre e o Pazo de Guimarei así como do seu entorno nos últimos 20 anos deixa bastante que desexar, polo que se pode dicir que os anteriores propietarios incorreron nunha infracción grave, establecida no artigo 91. da devandita lei e sancionable cunha multa de 10.000.001 a 25.000.000 das antigas pesetas (de 60.000 a 150.000 €), competencia do Conselleiro de Cultura (Consellería en mans do PP dende a data de publicación da lei ata 10 anos despois).
Esa mesma consellería puido, no seu momento, aplicar o artigo 36.3 da Lei 16/1985 que di que

Cuando los propietarios o los titulares de derechos reales sobre bienes declarados de interés cultural o bienes incluidos en el inventario general no ejecuten las actuaciones exigidas en el cumplimiento de la obligación prevista en el apartado 1 de este artículo, la Administración competente, previo requerimiento a los interesados, podrá ordenar su ejecución subsidiaria.

Mais penso que non o fixo.
Como caso xa extremo, e segundo se indica no artigo 31. da Lei 8/1995:

O incumprimento das obrigas de protección e conservación será causa de interese social para a expropiación forzosa dos bens declarados e catalogados pola Administración competente.

Pode ser que todas estas competencias non correspondan ao Concello da Estrada, pero igual que se preocupou de chamar á Xunta cando mercaron a Torre tivo anos para preocuparse pola súa conservación e chamar á Xunta ou denunciar a situación da Torre ante a Dirección Xeral de Patrimonio.
Do feito de que o señor comprador quixera facer chalets ou non na finca, feito que persoalmente descoñezo, existe unha cousa que se chama Planeamento Urbanístico, este si competencia do Concello, que di onde e que se pode construir, á parte de que todo monumento ten unha área de protección dentro da cal para facer calquera tipo de obra hai que solicitar permiso á Dirección Xeral de Patrimonio. Total, que se o Concello non quixera chaletes e tivera un Planeamento adecuado á realidade (ou un planeamento, simplemente), nesa finca non se podería construir nin un alpendre para meter un chimpín.
E xa non me meto no tema de que xa lle ofertaron a Torre ao Concello hai anos, porque o Alcalde dirá que el non estaba daquela, ainda que si o seu partido (PP, AP, CP, todo o mesmo partido) ou igual non, e segue a considerarse "independente".

GOOGLE PARA AEDRUS

2007-04-10T15:11:00.000+01:00

Despois de indicarme o camiño, google volta axudarme. Debe ser de AEDRU.

1000

2007-04-10T14:05:00.000+01:00

No dia de onte acadou este blogue a cantidade simbólica de 1000 visitas medidas desde o 4 de febreiro, o que fai unha media aproximada de 500 visitas mensuais. Para min é un número máis que suficiente, xa que cando comecei non agardaba que os comentarios dun chimpín sobre cousas varias puideran interesarlle máis que a tres ou catro persoas.
O xeito de chegar á páxina ten catro modos principais, que son:

Visitas directas
Visitas buscando "chimpín" no google.
Visitas procedentes do Ruxe-ruxe na estrada.
Unha parte importante das visitas proceden da busca no google de "O último chimpín", obra teatral dos tirinautas a quen adiquei previamente un poste.

Asimesmo teño que agradecerlle a todos os que me teñen enlazado desde os seus blogues a súa aportación:

Pois nada máis. So dicir que agora procurarei actualizar máis a miúdo. O único que como non me dá por comentar declaracións de partidos nin candidatos... Pouco me queda últimamente.

GOOGLE MAPS

2007-04-07T19:14:00.000+01:00

Ocorreuseme ir un día destes das vacacións aos Estados Unidos para visitar ao meu curmán John Deere á súa casa en Moline, Illinois. Total, que fun á internet buscar o camiño e no google maps ponme que, conducindo, me levaría 30 días e 10 horas (non fun, deixareino para Agosto). A rota é a que sae neste enlace. O mellor de todo é o punto 41.

DE TAL PAI TAL FILLO

2007-03-27T11:21:00.000+01:00

Falando en termos políticos, claro. E falo do pai Ramón "Chito" Campos e o fillo José Manuel Reboredo "Rebo". Aínda que comezaron na política ao mesmo tempo (Chito a súa segunda etapa, a primeira foi cando Franco), fixérono de xeito diferente. Don Ramón entrou directamente no goberno da man de Tallón e Rendo, mentres Rebo entrou directamente na oposición tras varios anos de goberno Popular con Elvira Fernández á cabeza. Foi ese (1991) un ano positivo para as arcas municipais, que reduciron a súa débeda a máis da metade e duplicaron a inversión. Ollo, nun ano. Pero había unha parte do goberno que non estaba satisfeita. Os de AIDAE (Agrupación Independente De A Estrada, se mal non lembro) querían máis e conseguiron unha alcaldía para un grupo que contaba con tres concellais de vinteún posibles (faime gracia ver agora ao señor Rodríguez Feijóo dicirlle aos do PSOE e BNG que teñen que gobernar as listas máis votadas). Segundo o, daquela, novo alcalde o cambio produciuse porque "déronnos o que pedimos".
Agora Rebo dimite para liderar un partido independente que ten, igual que a AIDAE hai 16 anos, como máxima aspiración sacar un par de concellais para ser chave de goberno. Se todo vai segundo o previsto, o PP perderá as eleccións como daquela (aínda que agora a Chito lle parecería unha desfeita, que mala é a memoria), e haberá que buscar pactos. A única diferenza é que os de Rebo xa avisan: pactarán co mellor postor, PP ou PSOE. Posiblemente co que lle dea a alcaldía a Rebo. Como xa pasou no 92.
Iso sí que é mirar polos intereses da Estrada e o seu pobo, que era do que pensaba eu que ía todo isto da política.
O único que espero é que o PSOE e o BNG non se deixen levar pola tentación do goberno e fagan un pacto a contranatura para que despois os deixen en bragas. Como xa pasou no 92.
Xa o dixo chito: "eu tamén fun independente".

BONOVO

2007-03-12T15:48:00.000Z

Non imos falar de monos, senón de Bonovo, un bo novo grupo musical que está a agromar. Compóñeno catro pesos pesados da música galega, como son Pulpiño Viascon (Demacrados, Zorza el Griego, Escupe Escapa ou os Irmáns Bochechinhas, Os Verjalludos, Os Diplomáticos de Monte Alto, O Jarbanzo Negro) á batería elétrica e serrón acústico, Óscar Fernández (Os cempés, colaborador do disco de Linho do Cuco) coa zanfona midi, Roberto Grandal (Sérralhe-aí, Xosé Manuel Budiño) co acordeón midi e a máquina, que tamén deu moito de si. O que fan é unha sorte de folque electrónico a medio camiño entre a muiñeira e o chunda chunda. Unha mestura fresca de moita calidade e que pode dar moito de si. Como eles mesmos dixeron e repite Xurxo Souto a diário, Cousa Bonita!

KEN KEIRADES

2007-02-27T10:02:00.000Z

Ven de apresentarse na Estrada unha nova asociación cultural (A.C. Ken Keirades) con ideas novas e gana de traballar. A apresentación tivo lugar este sábado no Pub Tubos cun concerto no que estiveron Sullivan Show, Esquíos e 33 RPM. Ainda que a afluencia de público estivo por debaixo do posible, ao chimpín a experiéncia parécelle positiva, e semente para cousas similares. Agora a asociación anda cos trámites legais e á busca dun local social onde facer máis actividades, como mesas redondas, recitais e exposicións. Desde aquí o chimpín dálle todo o seu apoio a este grupo e ánimos para que sigan adiante.
Por certo, comentarlle aos PPiños que se preguntan se esta asociación será competencia para mistura que neste mundo hai outras palabras que comezan por C como cooperación ou colaboración. Dicirlles tamén que segundo os correspondentes do chimpín un dos obxectivos de mistura é o fomento do asociacionismo, polo que igual incluso están contentos de que haxa unha nova iniciativa para cubrir eidos dos que a aadministración local pasa olímpicamente. E comentarlles que incluso sabemos de persoas de mistura que lles están botando unha man.
A ver se poño unha afoto un dia destes.

¡POLA LIBERDADE DE EXPRESIÓN!

2007-02-02T12:26:00.000Z

Entérome por aestragada.com que o PP de Cambados e o PP de Ogrobe levan aos tribunais a dous blogues locais, Cousas de Cambados, Crónicas dun pobo e Cousas de O Grove, Crónicas de un pueblo. Desde o Chimpín queremos solidarizarnos con eles, porque non se pode denunciar a alguén por ser crítico co poder e moito menos por tomar a broma e con humor a diferéncia de caracteres.
Ánimo e adiante. Porque hoxe son eles, mañá eu... e logo serás ti.

O ÚLTIMO CHIMPÍN

2007-01-27T16:00:00.000Z

Quero desde aquí agradecer aos tirinautas que titulen así unha obra. A ver se así temos máis visitas por aquí.

CADA DIA SOMOS MÁIS

2007-01-26T11:54:00.000Z

Cada dia somos máis os concellos con representantes investigados pola xustiza. Desta volta é por cousa persoal, non do concello como algúns edís imputados nun xuizo por presunto delito urbanístico. Ao que lle tocou desta vez foi a José Luis Barcala Rodríguez (concelleiro do PP e alcalde de barrio de S. Andrés de Vea, segundo se quita da web municipal) que foi detido, segundo se destaca en diversos medios, en relación á presunta trama de fraude do leite nunha operación dirixida desde a Fiscalía Anticorrupción e a Audiencia Nacional. Repito que en princípio isto non ten que ver coa actividade pública deste home, senón coa súa actividade privada relacionada coa compra-venda de leite. Pero xa somos como os Concellos máis punteiros do Estado. Xa temos investigacións por delitos urbanísticos e polas actividades persoais de membros da corporación. Case case como en Marbella.

O LIÑARES

2007-01-15T11:07:00.000Z

Ven hoxe á Estrada o señor delegado de vivenda para entregar o proxecto do polígono do moble. Un polémico proxecto dun polígono industrial feito á beira dun río e entre as casas. Tanto, que @s veciñ@s de Lagartóns organizáron-se para defender o seu entorno, nunha parróquia que carecía de tecido asociativo (como a maioria das parróquias estradenses). Esta oposición cidadá atopou-se co rexeite frontal do B.N.G. estradense e, sobre todo, da súa cara visíbel Raquel López, que perdeu a confianza que moit@s veciñ@s de Lagartóns e Liñares depositaran no Bloque. E non polo que dí, que todo o mundo ten dereito a opinar, senón polas formas que tivo de cara á coordinadora en Defensa do Val do Liñares. E é que por ser un proxecto estrela do B.N.G. a nível galego, promovido por unha consellaria do bloque, non queren que haxa ningún problema, o que implica non admitir erros (de sabios é errar, e admiti-lo) e defende-lo a capa e espada, ainda á costa de cair en actitudes impositivas (houbo quen aludeu aos seus xenitais para afirmar que se ia levar adiante o proxecto) próprias de outros partidos e outros tempos. Na web do bloque estradense pode verse estos dias un bonito debate entre partidarios que gaban o proxecto e outra xente que di que non é ouro todo o que reloce.

CONCURSO B.S.O.

2006-12-04T15:52:00.000Z

A obsesión do alcalde polos seus lombos de burro, bandas rugosas ou bandas sonoras (B.S.O.) chega case ao enfermizo. Agora di que se van poñer por narices, por moito que se lle diga por todos lados que é un exceso a cantidade. Se non queres caldo, sete tazas. E é que llo pediron por escrito. E se llo piden por escrito, hai que cumplir. Por iso propoño un concurso, e con premio exclusivo. Consiste en darlle ideas ao alcalde para mellorar A Estrada. E quedarán por escrito nos comments do blogo. Polo que terá que cumplir, supoño. A dinámica é sinxela:

Propón unha actuación a través dun comment a este post.
Como hai premio o comment non pode ser anónimo, senón a ver como sei eu quen o puxo. o ideal seria poñer un enderezo electrónico como sinatura. Tamén os podedes enviar a chimpinho(arroba)gmail(ponto)com.
Entre as propostas enviadas o chimpín escollerá a que máis lle guste, de modo completamente subxectivo, e obsequiará-lle cunha estupenda camisola-chimpín
O chimpín resérva-se a liberdade de dar máis premios se lle ven en gana, así como de variar as bases do concurso.
Os participantes non teñen que estar dacordo coas bases, pero son as que hai.

ACTUALIZACIÓN

2006-11-27T11:55:00.000Z

Actualizo lazos e estreo etiquetas.

A AUGA BUSCA CAMIÑO

2006-11-21T11:05:00.000Z

Iso é algo que todos coñecen, di o dito que non se lle poden poñer barreiras ao mar. Pero somos así. gostamos de loitar contra a natureza. Vímolo en dias pasados en lugares como Cee e esta semana en Vilagarcía. No centro da Estrada non ocorría desde o 2001 cando caeu a variante da C-541 quince días despois de ser inaugurada polo daquela conselleiro e hoxe defenestrado Xosé Cuíña. Pero a história repítese, e esta fin de semana caeu outra rúa por ter tapado no seu día un regato coa oposición dos veciños non escoitada. E dá a casualidade de que é onda a casa do Alcalde. Que non se enterará, porque debe seguir de vacacións...

BETA

2006-11-14T17:37:00.000Z

Desculpade polos desaxustes. É a nova versión de blogger beta. Agardemos corrixilos canto antes.

TITULARES DA PRENSA ESCRITA

2006-11-14T16:34:00.000Z

Primeiro: La primera edición de la Feira de Oportunidades supera los 60.000 euros de volumen de negocio.
Lendo a noticia no faro parece que sacaron os cartos cunha carreta. Polo visto foi un grande éxito, a pesar de que asistiron 29 dos 185 comercios asociados á ACOE (que podia actualizar a súa web, porque debe levar meses igual). A noticia tamén nos di que asistiron persoas que maioriatriamente procedían de

A Estrada, Lalín, Silleda, Vila de Cruces, Padrón, Caldas de Reis, Cuntis, Moraña, Vigo y A Coruña.

Creo que tamén foi un de Forcarei, pero ¡ah! era minoría.

Descubro tamén que os do faro deben ser do bloque. ¡Como senón poden poñer nun titular que Don Ramón anda de viaxe pola Arxentina! Co que traballou ese home pola vila sen cobrar un peso. ¿Como poden insinuar, e nun titular ademáis, que o noso Alcalde anda por aí de paseo habendo traballo que facer? Home, nin que foran tan importantes as normas urbanísticas, ou o feito de entrar no consorcio de vicepresidencia para Asuntos Sociais.

Por último, o do Partido novo e o seu logotipo. Eu apostei que non ía sair adiante, e mira. Pero a ver. Para adecuarse aos novos tempos hai que facer cousas máis modernas. E se queres que o teu partido sexa unha novidade e o primeiro que imos coñecer del é o logo, deberas curralo un chisquiño máis. E xa cansei. Dos premios San Martiño xa falarei logo da entrega.

DISKORDIA

2006-10-28T21:32:00.000+01:00

Non vou falar das relacións internas dos partidos políticos estradenses, senón dun grupo de música que non é a primeira vez que aparece neste blogue.
Pois resulta que hai un local na Estrada (o Soho) que tivo a excelente idea de facer un concurso para grupos noveis. Por causa da idade (é que xa vai indo alá a xuventude) non vou poder asistir a todos os concertos, mais sí puiden pasarme por este. E o resultado foi do meu agrado. A pesares da falla de médios (son, luces) o grupo soaba ben. Os rapaces dominan os instrumentos mellor que moitos que se ven por aí, e o que é mellor, non se adican a oubear nin a distorsionar as guitarras. A pena é que das letras non me enterei moito por causa do son.

Dúas guitarras, baixo, teclados, batería e voz. Adiante con esa Diskordia.

SITEKIOSK RESTRICTED UNDER ACCOUNT

2006-10-03T08:10:00.000+01:00

Poñia a pasada fin de semana nun PAP desos daestradadixital. Adornado, iso si, por unha bonita imaxe dunha porta blindada. Debe ser unha das melloras que levaron a cabo na semana anterior en todos os PAP. O que si lle puxeron foi conexión Wi-Fi, lástima que non se dean conectado ben os computadores. E os Güindous aínda, que conectan só que sen liña de internete, pero os escoceses esos... deben ser máis problemáticos. Haberá que probar con linux...

Editado a 19-10-06

E segue igual...

POR UN TRANSPORTE PÚBLICO REAL

2006-09-29T12:30:00.000+01:00

Atendendo ás reivindicacións de viciñ@s do Foxo (que non @s viciñ@s, senón parte deles) e parroquias achegadas sobre o centro médico só un par de cousas. A saber:

1.- Mellor seria escoller outra portavoz para o colectivo, porque alguén podería pensar que a actual, propietária da farmácia do lugar, poderia ter intereses económicos en que haxa alí un centro de saúde (non digo que eu o pense, pero poderia darse o caso) e iso pode restarlle unha pouca de credibilidade.

2.- Se o problema é a lonxania ao centro urbán igual poderian aproveitar para pedir un transporte público de calidade. Teñan en conta que se atoparán co mesmo problema cando lles toque acoder a un especialista no ambulatório. E certo é que o transporte público que hai é case que inexistente.

LABOURANDO

2006-09-06T17:26:00.000+01:00

E xa que estou (é que tiña moito gardado, e as vacacións, timofónica, xa se sabe...) comentáronme aí atrás que á fin ao concello saeulle ben esto da fin do plan laboura, porque co programa alternativo pode contrater a quen lle pete, teña a idade que teña, aínda que xa teña experienza laboral ou incluso unha empresa a seu nome. E polo visto unha das primeiras será (ou é, que como falo de rumoroloxia non sei exactamente a que altura está o asunto) a súa amiga Marisé García, presidenta das Amas de Casa e man dereita de Silvanus (empresa agochada en asociación de xestión forestal achegada ao PP) e o próprio PP na zona leste do concello. Para a área de medio ambiente. Deámoslle ánimos a esta señora, que non sei como dá con tanto.

KINKI FESTA

2006-09-06T17:13:00.001+01:00

Así clasificaría eu o sucedido na praia fluvial de liñares este sábado. E organizaba o concello, que incluso asisteu o concellal do ramo (o de xuventude, que supoño que iso non estará considerado como cultura). Pois miles de persoas (2 miles segundo a organización; 0,8 miles segundo as contas do chimpín) asistiron á primeira edición do festival PÉ NA ESTRADA, que tivo mellores actuacións que as festas. Non en van estaban os semi-locais Matraca Perversa e Festicultores (estupendos con esa cabra balcánica) e os ilocalizábeis Che Sudaka, apresentando o seu disco Alerta Bihotza. Para a Banda Potemkin xa non quedei, que o frio... despois non hai quen acenda. Como o ano que ven traian á Kinky Beat vai ser a repanocha. Por certo, que tampouco hai que perderse o festival de Ouzande o dia 22.

A MORTE DA CULTURA ESTRADENSE

2006-09-06T17:02:00.000+01:00

Seguro que moitas das persoas que me fan o grande favor de ler este blogue viron moitas veces os paneis que o concello ten espallados polo casco urbano. Paneis que servían para anunciar os grandes e pequenos actos culturais, deportivos e de diversa índole que se daban por estas terras. Pois ben, na actualidade eses paneis teñen este aspecto:

Quizais sexa unha metáfora da morte da cultura oficial neste lugar da chimpesfera.

OS DXITAIS (2)

2006-08-05T17:16:00.000+01:00

Hai un mes xa do último poste, non era a miña intención tardar tanto, mais un pequeno problema coa timofónica tivo sen liña a este chimpín uns quince dias. Pois nada, un par de cousas antes das vacacións. E a primeira é dixital. Que resulta que un mes despois do poste dixital 1 a cousa segue igual. E para que conste adxunto imaxes. Se chegas a un PAP (así lle chaman os do concello) tes unha animación que vai poñendo fotos da Estrada (novas e vellas). Se lle dás na pantalla saeche esto:
Calidade pouca, xa o sei, pero son as afotos que teño. Pois catro opcións saen: turismo; axenda; e-administración; internet.
¿Que pasa se lle dás a calquera opción? Que sae isto:

E non hai máis.

OS DIXITAIS DA ESTRADA

2006-07-05T23:38:00.000+01:00

E resulta que os da Estrada Dixital veñen de poñer un centro de proceso de datos "como os das películas de ciencia ficción" con identificación con pegada dixital -non podía ser doutro xeito- e todo, cousa normal por outra parte se temos en conta que nin os que levan trinta anos no concello saben quen ten as chaves, que llas dan ao primeiro que pasa por alí. Non digo que teña nada de malo, éche unha forma como calquera outra de gastar os cartos, como poñer un bus de publicidade dun proxecto supostamente público (sería mellor un chimpín, que non se enteran do que mola) ou entregarlle un computador portátil a cada concelleiro, incluidos tamén aos da oposición (alguén os escoitou protestar por que llelo deran?).
Se só fora isto sería un concello calquera pero, non, nós somos da Estrada. Pois poñemos nove puntos de acceso a internet na rúa e non teñen máis que unha animación que fala de... de... das marabillas do povo? Iso sí, inaugurados para as festas. Que esto de estrear a roupa o día da festa xa non se leva. Somos unha aldea, si, pero moderna.